Мэҥэ Хаҥаласка ситэриилээх былаас отчуота саҕаланна

Олунньу  11 — 14 күннэригэр Мэҥэ Хаҥалас улууһугар ситэриилээх былаас ааспыт сыллааҕы үлэтин отчуота ыытыллар. Бырабыыталыстыба оробуочай бөлөҕүн  экэниэмикэ миниистирэ Петр Попов салайар.

Бүгүн Петр Попов салайааччылаах бастакы бөлөх  Сыымахха, Бэдьимэҕэ, Суолаҕа үлэлиэҕэ.

Тыа хаһаайыстыбатын миниистирин солбуйааччы Николай Афанасьев салайааччылаах иккис бөлөх  Хапчаҕайга, Маттаҕа, Балыктаахха үлэлиэҕэ.

Сыана бэлиитикэтин судаарыстыбаннай кэмитиэтин бэрэссэдээтэлэ Николай Бочков салайар бөлөҕө Таратынан, Томторунан уонна Төхтүрүнэн сылдьыаҕа.

Олунньу 12 күнүгэр бырабыыталыстыба бөлөҕө   Нуораҕана, Тиэлиги, Хорообут, Тумул, Даркылаах, Чүүйэ, Төҥүлү,  Петровка сэлиэнньэлэрин олохтоохторугар отчуоттуоҕа.