https://t.me/meginokangalasskiy
Атырдьах ыйын 22-23 күннэригэр III Мэлдьэхси сиригэр-уотугар, Кумах Күөл сынньалаҥ-туристическай киинигэр, сорсуннаах булчуттар ини-бии Егор уонна Сергей Никифоровтар сырдык ааттарыгар «Собо-2025» V аһаҕас өрөспүүбүлүкэтээҕи күрэх буолан ааста.
Сүрүн тэрийээччинэн уолаттар аҕалара, сынньалаҥ киин салайааччыта — Валерий Никифоров буолар. Сайыҥҥылыы сылаас, үтүө күҥҥэ булду өрө туппут, Байанайдаах булчуттар ыраахтан-чугастан муһуннулар. Үөрүүлээх быһыыга-майгыга улуус дьокутааттарын Сэбиэтин бэрэссэдээтэлэ Иннокентий Андросов мустубут дьону, Валерий Егорович үбүлүөйдээх 65 сааһынан эҕэрдэлээтэ. Судьуйанан өрөспүүбүлүкэ категориялаах судьуйа Дмитрий Сидоров үлэлэлээтэ.
Уопсайа 5 хамаанда маннык көрүҥнэргэ илин-кэлин түһүстүлэр: кутаа уот оттон түргэнник уу оргутууга, куруму саппыкыны ыраах быраҕыыга, сыал ытыытыгар, тыынан эстэпиэтэҕэ, илим үтэн баран сарсыныгар ким төһө элбэх собону туттарыытыгар, собо туһунан билиини тургутар викторинаҕа, канат тардыһыытыгар, элбэх собону сиэһиҥҥэ уоттаах-төлөннөөх күрэстэр аастылар уонна кыайыылаахтар быһаарылыннылар.
I миэстэ – «КУМИ» хамаанда (Майа сэлиэнньэтэ), биирдии бэйэлэрэ Никифоровтар дьиэ кэргэн туруорбут хомуллар оронунан наҕараадаланнылар.
II миэстэ – «Чурапчы» хамаанда (Чурапчы улууһа).
III миэстэ – «Бөҕөс» хамаанда (III Мэлдьэхси нэһилиэгэ) үрдэриллэр тэллэх бэлэх туттулар.
Итиэннэ саамай улахан собону туппут Чурапчы улууһуттан Никифор Лазарев ааттанна. Чаас аҥаара бириэмэҕэ саамай элбэх собону сиэһиҥҥэ (22 собо: 4 ыһаары, 18 буспут) 20 собону сиэн кыайыылаах таҕыста III Мэлдьэхси нэһилиэгиттэн Владислав Афонскай.
Аламаҕай асчыттар түүннэри-күннэри ас астаан маанылаатылар: ыһаарыламмыт, буспут собо, ыргыччы эмис эт, собо миинэ, салаат, итии чэй, алаадьы уонна онтон да атын саха талбыт аһа барыта. Анаабыт курдук күн-дьыл табыллан туран биэрдэ. Мустубут дьон сүргэлэрэ бэркэ көтөҕүллэн, дууһалыын сынньанан, күүс-уох ылынан тарҕастылар. Эһиил өссө элбэх кыттааччы, ыалдьыт кэлиэ диэн тэрийээччилэр эрэл санааларын биллэрдилэр.
Мэҥэ Хаҥалас улууһун дьаһалтатын пресс-сулууспата
Кириһиэнньэ – итэҕэллээхтэр 12 сүрүн бырааһынньыктарыттан биирдэстэрэ. Арассыыйаҕа тарҕаммыт былыргы үгэһинэн православнай итэҕэллээх дьон тохсунньу…
Бу күн халлаан куйаарыгар олус интэриэһинэй түгэн үөскүүр. Чуумпуну, бигэ туругу сөбүлүүр Ый Оҕус бэлиэтигэр…
Саха сирин синоптиктарын сабаҕалааһыннарынан, бүгүн, тохсунньу 18 күнүгэр, өрөспүүбүлүкэ соҕуруу, арҕаа, хотугулуу-арҕаа өттүгэр уонна Арктика…
Хас биирдии үүнээйи туспа ааттаах-суоллаах, суолталаах. Уопуттаах оҕуруотчуттар ханнык сибэккини дьиэҕэ олордору, ханныгы олордуллуо суохтааҕын…
Саха ыалын сиэрэ-туома. Былыр саҥа төрөөбүт уол оҕону абааһыттан кистээн биһигэр бастаан ыт оҕотун угаллара.…
Уруу-аймах ааттарын төһө билэҕин? Бадьа, биллэх диэн кими ааттыылларый? Саха ыалын халандаарыгар бу туһунан баар.…