Хаартыска: Мэҥэ Хаҥалас улууһун дьаһалтатын пресс-сулууспатын
От ыйын 12 күнүгэр Мэҥэ Хаҥалас улууһугар Саха Өрөспүүбүлүкэтин Бырабыыталыстыбатын бэрэссэдээтэлин солбуйааччы Георгий Степанов үлэлээтэ. Бу туһунан Мэҥэ Хаҥалас улууһун дьаһалтатын пресс-сулууспата суруйар.
Улуус баһылыга Дмитрий Тихонов, баһылыгы тутуу боппуруостарыгар солбуйааччы Василий Филиппов, социальнай уонна имиджевэй бэлиитикэҕэ солбуйааччы Альбина Григорьева буолан улууска национальнай бырайыактарынан тутулла турар социальнай эбийиэктэри көрдүлэр.
Дойдубут бэрэсидьиэнэ Владимир Путин олохтообут «Демография» национальнай бырайыагынан, Ил Дархаммыт Айсен Николаев, Саха Өрөспүүбүлүкэтин Үлэҕэ уонна социальнай сайдыыга министиэристибэтэ быһаччы өйөбүллэринэн Мөҥүрүөн нэһилиэгэр аҕам саастаах уонна доруобуйаларынан хааччахтаах дьоҥҥо аналлаах дьиэ тутуллуутун туругун билистилэр.
51 сытар миэстэлээх эбийиэги Василий Пинигин дириэктэрдээх «Электромонтаж» тэрилтэ эһиил, 2025 сыл күһүнүгэр үлэҕэ киллэриэхтээх.
Аллараа Бэстээххэ «Абалаах» дьон чэбдигирэр киинин миэстэтин көһөрүү боппуруоһун тула сүбэлэстилэр.
Майаҕа «Доруобуйа харыстабыла» национальнай бырайыак нөҥүө 33 сытар миэстэлээх балыыһа тутуллуохтаах былаһааккатыгар сырыттылар. Балыыһаны «Адгезия» тэрилтэ, былаан быһыытынан, 2025 сыл бүтүүтэ үлэҕэ киллэриэхтээх. Билиҥҥи туругунан 182 сыбаайа түспүт.
Бырабыыталыстыбаҕа социальнай боппуруостары сүрүннүүр Георгий Михайлович социальнай эбийиэктэр болдьохторугар тутуллан үлэҕэ киириилэригэр бүтүн Дойду үрдүнэн улахан болҕомто уурулларын бэлиэтээн эттэ.
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
Амма улууһун Соморсун нэһилиэгэр кыстык этэҥҥэ ааһа турар. Хаһаайыстыбаларга 468, пиэрмэрдэргэ 359 сылгы эбии аһылыкка…
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…
Булуҥ улууһугар сүппүт үһүс киһини буллулар диэн Булуҥнааҕы ЕДДС иһитиннэрэр диэн СӨ Быыһыыр сулууспата суруйар.…
Оҕо иммунитетын бөҕөргөтөөрү араас сыаналаах йогуртары талабыт. Күөх экрааҥҥа көстөр араас сыаналаах йогуртар хаһааныллар болдьохторо…