Хаартыска СӨ суолга куттала суох буолуутун судаарыстыбаннай иниспиэксийэтиттэн
Бэҕэһээ, от ыйын 27 күнүгэр, «Амма» айан суолугар 35 саастаах суоппар «Тойота Лэнд Круизер 200» мааркалаах массыынатынан, Амма оройуонуттан Дьокуускай куорат хайысхатынан айаннаан иһэн 24 саастаах бэлэсипиэдинэн иһэр киһини түҥнэри көттө.
Суол быһылаанын түмүгэр, бэлэспиэттээх уол улахан эт-хаан эчэйиитин ылан, суһал көмө кэлэ илигинэ тыына быһынна.
Бу туһунан СӨ суолга куттала суох буолуутун судаарыстыбаннай иниспиэксийэтэ иһитиннэрэр.
Бэрэбиэркэ түмүгүнэн биллибитинэн, «Тойота Ленд Круизер 200» массыына суоппара 13 сыл ыстаастаах, «В,В1,С,С1,М» категориялаах дастабырыанньалаах. Быйыл суол быраабылатын иккитэ кэспитэ бэлиэтэммит. Быһылаан тахсар кэмигэр курун баанан олорбут, онон эт-хаан эчэйиитин ылбатах. Кинини таһынан массыынаҕа үс киһи олорсон испит, ким даҕаны эмсэҕэлээбэтэх.
Суоппар быһаарыытынан, хараҥаҕа иннигэр массыына иһэр буолан, утары уотунан тыктаран киниэхэ утары иһэр бэлэсипиэттээх киһини көрбөтөх.
Быһылаан тахсыбыт төрүөтүн уонна биричиинэтин силиэстийэ быһаарар.
«Почта России» Саҥа дьыллааҕы бырааһынньыктар иннилэринэ биэнсийэни уонна социальнай төлөбүрдэри тиэрдии бэрээдэгин туһунан иһитиннэрэр. Ахсынньы…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдиир үлэ тохтоло суох барар. Бүгүҥҥү…
«Жатай» куорат уокуругун 1 №-дээх орто уопсай үөрэхтээһин оскуолатыгар Аҕа дойду Дьоруойдарын күнүн көрсө, Арассыыйа…
Арассыыйа сорох туһанааччылара Windows 11 операционнай система саҥардыытын туруоруммуттарын кэннэ, «күөх экран» (Blue Screen of…
Сыл аайы ыытыллар «Профориентация-2026» эрэгийиэннээҕи икки ардыларынааҕы дьаарбаҥка уонна үөрэх, үлэ миэстэтин уонна идэ кыахтарын…
Киин куоракка Аҕа дойду Дьоруойдарын күнүн көрсө, байыаннай дьайыы бэтэрээннэригэр уонна кыттыылаахтарыгар аналлаах III Өрөспүүбүлүкэтээҕи…