Мэҥэ Хаҥаласка суол саахалыгар 5 киһи эмсэҕэлээтэ

Барыллаан чахчыларынан, бэс ыйын 17 күнүгэр киэһэ 19:00 чаас саҕана «Өлүөнэ» федеральнай суолун 1122 км 38 саастаах «УАЗ 390945» массыына суоппара сүрүн суолга тахсарыгар ааһан иһэр Нерюнгри оройуонун 59 саастаах суоппара «MAN TGX 18.440 4×2 BLS» массыынатын кытта харсыста.

Саахал түмүгэр араас эчэйиилээх «УАЗ 390945» массыына суоппара уонна 4 пассажир балыыһаҕа киирдилэр. Быһылаан тахсыбыт төрүөтэ быһаарыллар диэн Саха сиринээҕи Госавтоинспекция пресс-сулууспата суруйар.