Мэҥэ Хаҥалас улууһун дьаһалтатын пресс-сулууспата
Майа сэлиэнньэтигэр Д.Ф. Ходулов аатынан Култуура киинигэр 2024 сыл түмүгүнэн улуус култуураҕа, спортка уонна социальнай бэлиитикэҕэ бастыҥнары чиэстиир үтүө түһүлгэтэ үрдүк таһымҥа тэриллэн ыытылынна.
Үөрүүлээх тэрээһиҥҥэ улуус баһылыга Дмитрий Тихонов, баһылыгы социальнай уонна имиджевэй бэлиитикэҕэ солбуйааччы Альбина Григорьева, Ил Түмэн дьокутаата Андрей Находкин, физическэй култуура уонна спорт салалтатын салайааччыта Алексей Попов, социальнай бэлиитикэ салалтатын салайааччыта Октябрина Кулешова, култуураҕа уонна духуобунай сайдыыга салалта салайааччыта Анна Исакова, улуус култуураҕа биир идэлээхтэрин сойууһун бэрэссэдээтэлэ Эмма Павлова бэлиэ түгэнинэн эҕэрдэ тылларын эттилэр, бастыҥ дьоммутугар наҕараадалары туттардылар.
Тэрээһини Александр Кулешов, Аксинья Степанова, Мария Иванова, Алена Васильева, Роман Алексеев-Амор уонна Мусьяна Дмитриева иилээн-саҕалаан ыыттылар.
«Кыталык» үҥкүү народнай ансаамбыла, Николай Васильев-Айтамыл, «Мэҥэ кэскилэ» улууспут ыччатын холбоһук ансаамбыла, култуура кэрэ эйгэтигэр айымньылаахтык үлэлии сылдьар 2-с Наахара нэһилиэгиттэн Туяра, Николай Куприяновтар, Дьаҥхаады нэһилиэгиттэн Татьяна, Алексей Говоровтар, Майа сэлиэнньэтиттэн Мария, Станислав Ивановтар ылбаҕай ырыаларынан, кэрэ үҥкүүлэринэн тэрээһини киэргэттилэр.
Ону тэҥэ, тэрээһин чэрчитинэн Василий Константинович Степанов аатынан Култуура уонна спорт эстэпиэтэтигэр бөлөхтөрүнэн ким ханнык нэһилиэккэ барарын сэрэбиэй бырахсыынан быһаарар долгутуулаах түгэнэ буолла.
Мэҥэ Хаҥалас улууһун дьаһалтатын пресс-сулууспата
2023 сыл тохсунньутугар ФАПК «Якутия» АУо тэрилтэтигэр утах кутар лииньийэҕэ көрөр-истэр үлэһит дьахтар эчэйбит. Үлэ…
Саха сирин дэлэгээссийэтэ Кытай Норуодунай Өрөспүүбүлүкэтигэр сырыытын чэрчитинэн СӨ Экологияҕа, айылҕаны туһаныыга уонна ойуур хаһаайыстыбатыгар…
Санкт-Петербургтааҕы судаарыстыбаннай университекка «Социальнай архитектура: социальнай уларыйыылар теориялара уонна быраактыкалара» норуоттар икки ардыларынааҕы научнай-практическай кэмпириэнсийэ…
Ахсынньы 10-12 күннэригэр Саха сиригэр “Мин төрөөбүт дойдум – Арассыыйа күүһэ” дойду үрдүнэн ыытылар III…
«Оливье» салаат, саарбаҕа суох, Саҥа дьыллааҕы остуолга саамай биллэр уонна тапталлаах бүлүүдэнэн буолар. Тас дойдуларга…
Саха сирин сүүмэрдэммит хамаандатын бастыҥ күрэсчитэ Павел Васильев (48 кг диэри) боксаҕа «Ньиэптээх дойдулар Аан…