Мэҥэ Хаҥаласка «Сылгыһыт күрэҕэ» ыытыллыаҕа

Кулун тутар 21-22 күннэригэр Мэҥэ Хаҥалас улууһугар үгэскэ кубулуйбут өрөспүүбүлүкэтээҕи «Сылгыһыт күрэҕэ» ыытыллыаҕа.

Быйылгы тэрээһин Уһук Илиҥҥи федеральнай уокурук төрүттэммитэ  25, Улуу Кыайыы 80 сылыгар итиэннэ Социалистическай Үлэ Дьоруойа Афанасий Степанов төрөөбүтэ 105 сылыгар ананар.

Тэрээһин чэрчитинэн  племенной сылгылар быыстапкалара ыытыллыаҕа.

Күрэххэ кыттааччылар эстафетаҕа түөрт түһүмэҕинэн кыттыахтара. Кыайыылаахтар сыаналаах бириистэринэн наҕараадаланыахтара (1 миэстэ – 2,5 мөл. солк.; II миэстэ – УАЗ-бортовой массыына, III миэстэ – снегоход).

Сиһилии Тыа хаһаайыстыбатын министиэристибэтин саайтыгар билсиҥ.