Мэҥэ Хаҥаласка сылгыларын көрдүү барбыт эр киһи сүппүт

Мэҥэ Хаҥалас улууһугар муус устар 30 күнүгэр 1965 с.т. эр киһи үөр сылгытын көрдүү сылдьан сүппүт. Бу туһунан СӨ Быыһыыр сулууспата иһитиннэрэр.

Эр киһи сүппүтүн туһунан Даркылаах сэлиэнньэтин баһылыга ыам ыйын 6 күнүгэр 08:56 чааска Биир кэлим дьуһуурунай-диспетчерскэй сулууспаҕа иһитиннэрбит.

Эр киһи атын Үөттээх диэн сиргэ баар Танха үрэх аттыттан булбуттар. Бу сир Чыамайыкыттан 30 км тэйиччи турар сылгы баазатыттан 15-20 км баар.

Быһылаан буолбут сиригэр участковайдар уонна ИДьМ үлэһиттэрэ тиийбиттэр. Олохтоохтортон көрдөөһүҥҥэ бөлөх хомуллар.