Мэҥэ Хаҥаласка сүппүт дьахтары көрдүүллэр

Бүгүн, ахсынньы 4 күнүгэр, сүппүт дьахтары (1964 с.т.) көрдүү СӨ Быыһыыр сулууспатын үлэһиттэрэ тиийдилэр.

Дьахтар сүппүтүн туһунан иһитиннэрии ИДьМ Мэҥэ Хаҥаластааҕы салаатын дьуһуурунай чааһыгар сэтинньи 17 күнүгэр киирбит. Дьахтар сэтинньи 7 күнүгэр сүппүтэ биллэр. Ити күн кини маҕаһыынтан ойуур диэки барбыт. Онтон ыла тугу да биллэрбэтэх.

Аймахтарын, ИДьМ үлэһиттэрин күүһүнэн көрдүүр үлэ ыытыллыбыт да, булбатахтар.

Бүгүн Мэҥэ Хаҥаласка сүппүт дьахтары көрдүүргэ СӨ Быыһыыр сулууспатын үлэһиттэрэ көмөҕө тиийдилэр. Бөлөх ыстаарсайа Николай Макаров.