Мэҥэ Хаҥалас Хаптаҕайыгар тыы түҥнэһиннэ

Ааспыт сууккаҕа өрөспүүбүлүкэҕэ 7 буруйу оҥоруу бэлиэтэннэ диэн СӨ Дьуһуурунай борокуруора иһитиннэрэр.

Дьокуускайга уоруу икки түбэлтэтэ бэлиэтэннэ. Дьокуускайга, Үөһээ Бүлүүгэ, Мииринэйгэ үс олохтоох дьон  түөкүттэр албыннарыгар киирэн биэрдилэр. Ол курдук, Айхал бөһүөлэгин олохтооҕо 1,5 мөл.солк. албыннаппыт. Хаҥаласка массыына уордулар, Нерюнгрига наркотигынан эргинэн тутулуннулар.

Мэҥэ Хаҥалас улууһугар Хаптаҕай сэлиэнньэтиттэн 3 км тэйиччи турар «Кутурук» диэн сиргэ тыы түҥнэһиннэ, 1987 с.т. эр киһи көстө илик.

10 техногеннай баһаары умуруордулар, өлбүттэр суохтар.

Киһи өлүүлээх суол быһылаан бэлиэтэммэтэ.

Суукка иһигэр итирик туруктаах 14 суоппар тутулунна.