Хаартыска уонна видео - @dmitriytikhonоv
Соторутааҕыта Мэҥэ Хаҥалас Хара нэһилиэгин улуус биир туруу үлэһит ыччата Аркадий Лукин сылгы тутар Уодай баазатыгар эр дьон түмсэн, Майа сэлиэнньэтин, Аллараа Бэстээх бөһүөлэгин оскуолаларыттан обургу уолаттары сылгыны көрүүгэ-истиигэ уһуйдулар.
Бу туһунан улуус баһылыга, Мэҥэ Хаҥалас улууһун эр дьонун түмсүүтүн салайааччыта Дмитрий Тихонов тэрээһин туһунан бэйэтин телеграм-ханаалыгар (@dmitriytikhon0v) маннык сырдатта:
— Оҕолорго кэтэһиилээх тэрээһин үтүө үгэскэ кубулуйан эрэриттэн астынабыт. Бу сырыыга барыта 33 оҕо кыттыыны ылла. Уолаттар көхтөөхтөр, бары үлэҕэ хара саҕаланыаҕыттан туора турбакка тэҥҥэ түсүһэн иһэллэрэ үөрдэр. Уол оҕо олоххо бэлэмнээх эр бэрдэ буолан, хатарыллан тахсарыгар маннык хайысхалаах тэрээһиннэр улахан суолталаахтар.
Оҕолорбут салайааччыларын кытта үөрэ-көтө үлэлээн, убаһа астаан, ат миинэн, саҥаны билэн-көрөн, остуол хотойорунан эт буһаран астыннылар. Уолаттар аҕыйах сылынан дьиэ кэргэн аҕалара, сылгы, сүөһү ииттэн ыал дурдата-хаххата буолуохтара диэн эрэнэбин.
Хас биирдиилэрин хаһаайын саха сиэринэн сэмсэ кэһиилээн, илии тутуурдаан ыытта.
Доҕорбор Аркадийга оҕолорго олохторугар биир умнуллубат күнү бэлэхтээбиккэр улаханнык махтанабын. Инникитин даҕаны кэнчээри ыччаппытыгар сүбэ-ама, холобур буола тураргар баҕарабын. Сыспай сиэллээҕиҥ, хороҕор муостааҕыҥ үксүү турдун!
Улаатан эрэр уолаттары идэһэҕэ илдьэ сылдьан үөрэтии — өбүгэ үгэһигэр уһуйуу. Биллэн турар, улуус баһылыга бэйэтинэн маннык үлэни көҕүлүүрэ хайҕаллаах суол.
Орто Халыма оройуонун борокуратуурата суолга куттала суох буолуу быраабылатын сокуонун толоруутун бэрэбиэркэлээтэ. Силиэстийэ быһаарыытынан, суоппар…
Лабыктаны аска-үөлгэ кутан сиир, оргуйбут итии ууга көйөрөн иһэр туһалаах дииллэр... Тумуу, кириип, сөтөл ыарыыта…
Бу Кыһыл кинигэҕэ киирбит сэдэх көтөрдөрү үөрэтиигэ, харыстыырга өрөспүүбүлүкэ хас биирдии олохтооҕо бэйэтин кылаатын киллэриэн…
Дьааҥы оройуон борокуратуурата иһитиннэрбитинэн, былырыын бэс ыйыгар Баатаҕайга сокуоннай сааһын илик оҕоҕо бэйдиэ сылдьар ыт…
Өрөспүүбүлкэ болуоссатыгар баар саҥа фонтаны хаһан үлэлэтиэхтэрэй? Бу туһунан Дьокуускай куорат дьаһалтатын үлэһиттэрэ былааннарын кэпсээтилэр.…
Бүгүн, муус устар 18 күнүгэр, "Россия моя история" түмэлгэ Бүтүн Арассыыйатааҕы "Работа в России. Время…