Мэҥэ Хаҥаласка ыһыы үлэтэ саҕаланна (видео)

Быйыл Мэҥэ Хаҥалас улууһугар ыһыы үлэтин, чуолаан, сиик саптарыытын бурдук үүннэрэр хаһаайыстыбалар ыам ыйын 10 күнүттэн саҕалаабыттара. Былаан быһыытынан уопсайа 2190 га бааһынаҕа сиик сабыллыахтаах.

— Бүгүн 1572 гектар буолла. Бааһыналарга 24 тиэхиньикэ үлэлиир. Туорахтаах култуураҕа ыһыы былаана — 1409 гектар. Ыам ыйын 21 күнүттэн ыһыы үлэтэ саҕаламмыта  “Тумул” ТХПК, “Борисов А.А” , “Попов А.Н” ИП ГКФХ-лар ыһыыга туруннулар. Уопсайа 171 гектарга,  ол иһигэр сэлиэһинэй — 72 га уонна эбиэс 99 га ыһылынна.

Сиэмэ бурдугу “Агрокорм” ХЭТ-тэн  тэрилтэттэн атыылаһабыт. 107 туоннаттан 45,2 т кэллэ, 62 т айанаан иһэр, — диэн кэпсээтэ Мэҥэ Хаҥалас улууһун кылаабынай агронома Василий Николаевич Бурнашев.

Хаартыска, видео: В.Бурнашев тиксэриитэ