Хаартыска: Нам улууһун дьаһалтатын пресс-сулууспата
Мэҥэ Хаҥаластар бүгүн, ыам ыйын 31 күнүгэр, улуус баһылыга Дмитрий Тихонов салайааччылаах 20 киһилээх бөлөҕө Нам улууһугар гуманитарнай көмөнү тиэртилэр.
Улуус баһылыга Дмитрий Иванович бу сарсыарда Мэҥэ Хаҥалас улууһун үлэһит дьонун аатыттан 17 төбө ынах сүөһүнү, ньирэйи уонна 3 туонна сиэмэ хортуоппуйу Нам улууһун баһылыгар Юрий Слепцовка туттардылар.
Оробуочай бөлөх састааба салгыы халаан уутуттан эмсэҕэлээбит нэһилиэктэринэн көмөнү туттарыахтара уонна субуотунньуктары тэрийиэхтэрэ.
Бу иннинэ улуус баһылыга Дмитрий Иванович Тихонов Мэҥэ Хаҥалас улууһун олохтоохторугар сааскы халаан уутуттан эмсэҕэлээбит Нам улууһун нэһилиэктэригэр гуманитарнай көмөнү хомуйарга ыҥырыы таһаарбыта. Көхтөөх улуус олохтоохторо барыта 1 мөл. солк. харчынан, аһынан-үөлүнэн, таҥаһынан-сабынан, наадалаах туттар тэриллэринэн көмөлөстүлэр диэн Нам улууһун дьаһалтата суруйар.
Санатан эттэххэ, ыам ыйын 20 күнүгэр Саха сиригэр халаан уутуттан эрэгийиэннээҕи ыксаллаах быһыы-майгы эрэсиимэ биллэриллибитэ. Ил Дархан Айсен Николаев сорудаҕынан эмсэҕэлээбиттэргэ харчынан биир кэмнээх көмө оҥоруу кээмэйэ 4 төгүл үрдээбитэ. Ыксаллаах быһыыны-майгыны суох оҥорууга уонна саахал содулларын туоратыыга резервнэй пуондаттан үп-харчы тыырыллар. Ити сыалга 300 мөл. солк. тахса үп-харчы көрүллүбүтэ.
Видео: Нам улууһун дьаһалтата
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…