Хаартысканы Марта Николаева тиксэрдэ
Бүгүн, ахсынньы 14 күнүгэр, аам даам тымныы күүһүрэн турдаҕына, Мэҥэ Хаҥалас күнүгэр аналлаах Оһуокайга ыччаттар алгыстаах түһүлгэни төрүттээтилэр.
Тымныы да чаҕыппакка дьон-сэргэ кэлбит. Оһуокайбыт алгыһынан саҕаланна. Алгысчыт, Дархан этээччи Денис Оконешников аал уоту оттон,арыылаах алаадьынан айах тутан Оһуокай дьону-сэргэни түмэригэр, салгыы сайдарыгар, эйэлээх халлааҥҥа Кыайыы түстэнэригэр көрдөстө.
Гавриил Колесов аатынан Мэҥэ Хаҥалас улууһун Олоҥхо дьиэтин салайааччыта Айта Васильева эҕэрдэтин кэнниттэн мэҥэлии Оһуокайы СӨ үтүөлээх артыыһа, аан дойду виртуоз хомусчута Варвара Степанова таһаарда. Быыһыгар ырыа, хомус эҕэрдэнэн толоруу быыһыгар түһүлгэлэри Дархан этээччилэр Станислав Иванов, Денис Оконешников, мэҥэлии оһуокайы тарҕатааччылар Аксиния Степанова, Сибэкки Заровняева, Марфа Аммосова, мэҥэлэр күтүөттэрэ талааннаах уус, кырыымпаһыт Роман Иванов-Аар Аман Далай Уус эттилэр. Кимиэхэ да майгыннаспат ураты куоластаах ыччаттарбыт түһүлгэлэригэр кынаттаһан эдэрдии эрчимҥэ уйдардыбыт.
Норуот убаасттыыр эмчитэ Дьөккөнтөн Федот Иванов, үтүөлээх этээччи Геннадий Харлампьев мэҥэ ыччаттара оһуокайдарыгар үҥкүүлэһэн, оһуокай утумун күүскэ тута сылдьаллара кэскиллээҕин бэлиэтээтилэр. Харда оһуокайы үтүөлээх этээччи Данил Пестряков, Дархан этээччи Марта Николаева таһаардылар. Үтүөлээх этээччи Светлана Сосина бииргэ үөрэммит кылааһын оҕолорунаан кэлэн, төрөөбүт дойдуларын ыччаттарын кынаттаһан өйөөтүлэр. Өрөбүл ахсын Оһуокайга мэлдьи кынаттаһар Айыы Уолана Алаас түһүлгэни устан үйэтиттэ, хас биирдии этээччигэ кынаттаһан, бүгүҥҥү оһуокайтан олуһун астыммытын үллэһиннэ.
Марта Николаева
Арсеньев аатынан бириэмийэ литературнай куонкуруһугар, бириэмийэ официальнай саайтарыгар тахсыбыт балаһыанньа быһыытынан, нууччалыы суруллубут уус-уран уонна…
Саха сирин сүүмэрдэммит хамаандата бу сыл сүрүн күрэхтэһиитигэр – Орел куоракка ыытыллыбыт оҕунан ытыыга Арассыыйа…
Тохсунньу 26 күнэ. Ил Дархан Уһук Илин эрэгийиэннэрин социальнай-экэнэмиичэскэй сайдыыларын боппуруостарын көрөр мунньахха кытынна. Өрөспүүбүлүкэ…
Ил Түмэн дьокутааттара РФ Бырабыыталыстыбатыттан хатыыһы уонна муксууну бултааһын иһин ыстарааптары намтатар туһунан туруорсар. Кинилэр…
Дьокуускайга эр киһини өлөрүүгэ буруйданар 30 саастаах дьахтар холуобунай дьыалата суукка ыытылынна. Силиэстийэ барылынан, быһылаан…
«Сахафильм» хампаанньаҕа саҥа салаа – продюсерскай отдел аһыллыаҕа. Национальнай киинэ хампаанньатын салайааччыта Алексей Егоров Саха…