Мэҥэдьэк отделениетыгар сылгыны ааҕыы түмүктэннэ

Share

«Саха сүөһүтэ» генофонда хааһына тэрилтэтин Степан Васильев аатынан Мэҥэдьэк отделениетыгар сылгыны ааҕыы түмүктэннэ.

Зоотехник Егор Горохов биир ый устата Маалыкайга, Малдьаҕарга уонна Хатыыга сылгы ааҕан кэллэ.
Ааҕыы түмүгүнэн, Степан Васильев аатынан Мэҥэдьэк отделениетыгар уопсайа 414 төбө сылгы баар, ол иһиттэн биэтэ — 192 төбө.

«Дьулус Аржаков управляющайдаах отделениеҕа 10 сылгыһыт, племучуотчук уонна биир тырахтарыыс үлэлии-хамсыы олорор. Быйыл сайын ардаабакка, звенолар бары да отторун хаачыстыбата үчүгэй. От, эбии нуорма быһыытынан баар. Ньурбатааҕы сүөһү аһылыгын бэлэмниир хампаанньаттан 25 туонна эбиэс атыыластыбыт. Төрүөх, иитии туһунан эттэххэ, быйыл төрүөҕү ылыы — 51,6%, тыыннаахтыы итии — 93,8% тэҥнэстэ. Манна биири этиэххэ наада, биһиги тэрилтэбит бу отделениены былырыын  бэйэтигэр ылан, үлэни-хамнаһы тэрийэр. Ол иһин эдэр ыччат сылгыны күүскэ иитэ сатыыбыт. Былырыын төрүөх 28 % эбит буоллаҕына, быйыл 51,6%  тиийдэ. 113 убаһаны иитиигэ хааллардыбыт», — диэн иһитиннэрдэ Егор Павлович.


Көрдөрүү, үлэ түмүгэ, биллэн туран, үлэһиттэртэн тутулуктаах. «Саха сүөһүтэ» генофонда хааһына тэрилтэтин аатыттан Егор Горохов Мэҥэдьэк отделениетын үлэһиттэригэр сыл түмүгүнэн наҕараадалары туттарда.

Тэрилтэ махтал суругун племучуотчут Иннокентий Духов тутта.
Үлэ сылын мэтээлинэн наҕараадаланнылар: өр сылларга сылгы иитиитигэр үлэлээбит, баай уопуттаах сылгыһыттар Семён Николаевич Андреев, Александр Анатольевич Николаев, Анатолий Револьевич Платонов, Степан Владимирович Хахыров.
Элбэх оҕолоох амарах аҕа Аркадий Эдуардович Иванов Аҕа мэтээлинэн бэлиэтэннэ.

Өссө биир үөрүүлээх түгэнинэн, оҕолорго кэлэн иһэр саҥа сылынан тэрилтэ идэлээх сойууһун аатыттан бэлэхтэри туттарыы буолла.

Маннык туруу үлэһит дьонноох буоламмыт өбүгэлэрбит төрүт дьарыктарын салгыыбыт. Тыа сирин үлэһит дьонугар махтал буолуохтун!

Екатерина Захарова

Елизавета Ефремова хаартыскаҕа түһэриитэ

Recent Posts

  • Сонуннар
  • Уопсастыба

Владимир Путин кэмпириэнсийэтэ саҕаланна

“Владимир Путины кытта сыл түмүктэрэ” бырагыраама судаарыстыба баһылыгын улахан пресс-кэмпириэнсийэтэ уонна быһа лииньийэтин ситимниир “Владимир…

17 минут ago
  • Култуура
  • Сонуннар

Көлүөнэлэри ситимниир айар куттаах Тайаана

В.Г. Белинскэй аатынан Кыраайы үөрэтэр бибилэтиэкэ бэйэтин ааҕааччыларын айылҕаттан айдарыылаах айар куттаах дьону кытта сотору-сотору…

27 минут ago
  • Сонуннар
  • Уопсастыба

Алмазэргиэнбаан активын кээмэйинэн Арассыыйаҕа топ-100 баан иһигэр киирдэ

2025 сыл түмүгүнэн Алмазэргиэнбаан дойду үп ырыынагар бигэ тирэхтэннэ уонна Арассыыйа топ-100 баанын иһигэр киирдэ.…

37 минут ago
  • Сонуннар
  • Сүрүн

ИЛ ДАРХАН СУДААРЫСТЫБАННАЙ НАҔАРААДАЛАРЫ ТУТТАРДА

Саҥа сылы көрсө бүгүн, ахсынньы 19 күнүгэр, Ил Дархан Айсен Николаев  РФ уонна Саха Өрөспүүбүлүкэтин…

47 минут ago
  • Бэрээдэк
  • Уопсастыба

Дьон казиноттан уонна да атын оонньуулартан бэйэлэрин бобор кыахтаныахтара

Бэйэлэрин кыайан туттуммат дьоҥҥо Госдума маннык сокуону ылынна. Азартаах оонньуулартан босхолонуон баҕарар киһи бэйэтигэр бобууну…

54 минуты ago
  • Сонуннар
  • Чэгиэн

Саха сирин оскуолаларыгар мэдиссиинэ 96 хоһо үлэлиир

Быйыл Саха сирин оскуолаларыгар мэдиссиинэ хосторун үлэлэрин сөргүттүлэр. Маннык үлэни саҕалыырга Ил Дархан Анал этиитэ…

57 минут ago