@dmitriytikhon0v
Илин эҥэрдээҕи диализнай киин арыллыытын былааннаатыбыт диэн Мэҥэ Хаҥалас улууһун баһылыга Дмитрий Тихонов иһитиннэрдэ.
— Кэлиҥҥи кэмҥэ хомойуох иһин, диализка сылдьар, бүөрдэрэ ыалдьар дьон ахсаана элбии турар. Улууспут олохтоохторо, илин эҥэрдэр Дьокуускай куоракка киирэн эмтэнэллэригэр, биллэн турар, араас ыарахаттары, харгыстары көрсөллөр.
Бүгүн Майаҕа диализнай киин арыллыытын боппуруоһун тула миэстэтигэр «Ренодиал» ХЭТ диализнай киин салайааччыта Давыдов Прокопий Викторович, Майа сэлиэнньэтин баһылыга Алексей Иннокентьевич Неустроев, ОДьКХ «Теплоснаб» Майатааҕы учаастагын салайааччыта Павел Ионович Цыпандин, «Сахатранснефтегаз» АУо улуустааҕы гаас учаастагын салайааччыта Анастасия Николаевна Федорова, улуус кылаабынай бырааһа Иннокентий Егорович Павлов кыттыылаах сүбэ мунньах тэрийдибит.
Уруккута 25 нүөмэрдээх аптека үлэлээбит дьиэтин бу кииҥҥэ биэрэргэ быһаарынныбыт, ититии ситимигэр холботон, хапытаалынай өрөмүөнү ыытан, кэлэр сыл иккис аҥаарыгар үлэтин саҕалыа диэн сыал-сорук туруоруннубут.
Бу тэрилтэ инникитин сүрүн хайысхатын таһынан эбии олохтоохторбутугар бу дьарҕа ыарыы кэҥээбэтин, доруобуйаларын харыстаналларын туһугар сэрэтии үлэтин ыытар буолуоҕа.
Дьоммут-сэргэбит манна эмтэниини ылан, инникитин үтүөрэллэригэр, толору олоҕунан олороллоругар кыах биэрэ диэн эрэнэбин, — диэн улуус баһылыга телеграмҥа суруйда.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…