Мэҥэҕэ элбэх кыбартыыралаах саҥа дьиэ тутулунна

Мэҥэ Хаҥалас улууһугар Дьаҥхаады нэһилиэгэр дойду бэрэсидьиэнэ Владимир Путин көҕүлээбит «Хаарбах дьиэттэн дьону көһөрүү» бырайыагынан 19 кыбартыыралаах саҥа таас дьиэ үлэҕэ киллэрилиннэ.

—  Толору хааччыллыылаах түөрт этээстээх дьиэни Петр Олесов салайааччылаах «Геометрия тутуу хампаанньата» ХЭТ  үрдүк хаачыстыбалаахтык тутан дьэндэттэ. Дьиэ таһыгар оҕо оонньуур былаһаакката оҥоһуллан дьоһун бэлэх буолла.

Бу олус наадалаах бырайыак үлэлээн, үгүс киһи сыллата саҥа кыбартыыранан хааччыллар. Дьон-сэргэ олоҕо тупсарыгар улахан болҕомто уурулларыгар дойдубут лиидэригэр Владимир Путиҥҥа, Ил Дархан Айсен Николаевка, Тутуу министиэристибэлэригэр, дьиэни туппут дьоммутугар улахан махтал буоллун, — диэн Мэҥэ Хаҥалас улууһун дьаһалтатын пресс-сулууспата иһитиннэрдэ.