Хаартыска Мэҥэ Хаҥалас улууһун дьаһалтатын пресс-сулууспатыттан
Бэҕэһээ Мэҥэ Хаҥалас улууһугар «Парус» успуорт уораҕайыгар Аҕа дойдуну көмүскээччи күннэрин чэрчитинэн, ыччаттарга «Эр Бэрдэ» төрүт оонньуу көрүҥнэригэр улуустааҕы күрэх ыытылынна.
Күрэхтэһии «Росмолодежь» хамсааһын гранын сүүйбүт «Эн соҕотох буолбатаххын» бырайыак үбүлээһининэн тэриллэн ыытылынна диэн Мэҥэ Хаҥалас улууһун дьаһалтатын пресс-сулууспата иһитиннэрэр.
Бырайыак ааптарынан Майа сэлиэнньэтин дьаһалтатын Дьиэ кэргэн киинин салайааччыта Владлена Павлова буолар. Күрэхтэһиигэ улуус араас нэһилиэктэрин ыччаттара, Тырааныспар техникумун устудьуоннара «Үс төгүл үс» ыстаныыга, тутум эргииригэр, мас тардыһыытыгар, хапсаҕайга, сүүрүүгэ илин-кэлин түһүстүлэр.
Биэс көрүҥ түмүгүнэн бастакытын ыытыллар «Эр Бэрдэ» улуустааҕы күрэҕин кыайыылаахтарынан буоллулар: I миэстэ – Арсен Федоров (Нөөрүктээйи), II миэстэ – Николай Осипов (Аллараа Бэстээх), III миэстэ – Артур Кулаковский (Дьаҥхаады).
Мэҥэ Хаҥалас улууһун олохтоохторо ыччаты чөл олоххо, успуорка, бэйэҕэ эрэллээх буолууга угуйар бырайыак кэскиллээх буоларыгар баҕардылар.
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…
Дьокуускай олохтооҕо дьахтар наркотигынан эргинэн 17 сылга көҥүлэ быһыллар буолла диэн СӨ борокуратуурата иһитиннэрэр. Суут…