Мэҥэҕэ тыа хаһаайыстыбатыгар баһылык граныгар куонкурус ыытыллар

Бүгүн Мэҥэ Хаҥалас улууһун нэһилиэктэрин ортолоругар тыа хаһаайыстыбатын сайыннарыыга туһуланар Баһылык гранын куонкуруһугар бырайыактары көмүскээтилэр.

Улууска үс сыллаах Тыа хаһаайыстыбатын сылларынан олохтоммут Баһылык грана, былырыыҥҥы сыллааҕы бырайыактара олоххо киирдилэр диэн Мэҥэ Хаҥалас улууһун дьаһалтатын пресс-сулууспата иһитиннэрэр.

Бүгүн Араҥас, Баатара, 3-с Мэлдьэхси, Холгума, Хаптаҕай, Тараҕай, 1-кы Баатара, Хара, Дьаҥхаады нэһилиэктэриттэн, Майа сэлиэнньэтиттэн хамаандалар ох курдук оҥостон кэлэн кыттыыны ыллылар. Саха Өрөспүүбүлүкэтин тыатын хаһаайыстыбатын миниистирин бастакы солбуйааччы Анна Стручкова бэрэссэдээтэллээх дьүүллүүр хамыыһыйа ирдэбиллэргэ толору эппиэттиир икки бырайыагы талыаҕа.