Хаартысканы Марта Николаева тиксэрдэ
Бүгүн, кулун тутар 16 күнүгэр, Арчы дьиэтигэр Оһуокай республикатааҕы түмсүүтүн (салайааччы А.Д.Данилов) тэрийиитинэн, Мэҥэ Хаҥалас улууһугар аналлаах Кыайыы Оһуокайа үрдүк таһымнаахтык ыытылынна.
Бу күн Дьокуускай куорат оһуокайга сүгүрүйээччилэрэ, Гавриил Колесов аатынан Олоҥхо дьиэтин үлэһиттэрэ, Мэҥэ Хаҥаластааҕы Оһуокай түмсүүтүн кыттыылаахтара киирэн эттилэр. Оһуокай түһүлгэтин иннинэ Дархан этээччи, алгысчыт Денис Оконешников алгыстаата. Алгысчыт бар дьонугар үтүөнү, эйэни түстээтэ. Кыайыы түһүлгэтин Тараттан төрүттээх, РФ үөрэҕириитин бочуоттаах үлэһитэ, Дьокуускай куорат оскуолатын педагога Вера Гоголева саҕалаата. Ол кэнниттэн утуу-субуу түһүлгэни тимир ууһа, алгысчыт Роман Иванов, Саха сирин үтүөлээх этээччитэ Анисия Степанова, Дархан этээччилэр Денис Оконешников, Виталий Никифоров, Стас Иванов о.д.а эттилэр. Дьон сэргэ тоҕуоруһан кэлэн, дуоһуйа үҥкүүлээтилэр.
Оһуокай түмсүүтүн аатыттан 85 сааһын туолбут юбиляр Руф Елисеевич Гаврильевка Александр Джурович аатыттан Махтал суругу, Гиннес Оһуокайын хаартысканан хартыынатын туттардыбыт.
Кыайыы Оһуокайын тэрийиигэ Мэҥэ Хаҥаластан тэринэн киирэн тэрийсибит Гавриил Колесов аатынан Олоҥхо дьиэтин директорыгар Е.Н.Ивановаҕа, Оһуокай түмсүү Мэҥэ Хаҥалаһын улууһугар салайааччыта М.М.Шипошинаҕа, Мэҥэ Хаҥалас улууһун культураҕа уонна духуобунаска сүрүннүүр специалиһыгар С.Ивановка түмсүү аатыттан махтанабыт.
Марта Николаева
Мария Герасимова-Сэҥээрэ – норуот фольклоругар бөдөҥ исписэлиис, доҕотторо ытыктаан ааттыылларынан Ийэ чабырҕахсыт, чабырҕаҕы, олоҥхону, оһуохайы…
Ааҕааччыларбытыттан ыйытыылар киирэ тураллар. Соторутааҕыта быыһыгар маҥаннаах таба этин видеоҕа устубуттар этэ. Ону көрбүт дьонтон…
Бүгүн, сэтинньи 9 күнүгэр, Өлүөхүмэ улууһугар аналлаах оһуохай түһүлгэтэ бэрт тэрээһиннээхтик ааста. Куоракка олорор өлүөхүмэлэр…
Сэбиэскэй кэмҥэ эдэр ийэ-аҕа буола сылдьыбыт төрөппүттэр кырачаан оҕоҥ сылайдаҕына эбэтэр атаахтааҕына уоскута түһэргэ оҕо…
Бэҕэһээ, сэтинньи 8 күнүгэр, 35-гэр диэри саастаах быраастар, мэдиссиинэ сиэстэрэлэрэ, доруобуйа харыстабылын эйгэтин үлэһиттэрэ Николаев-Кииҥҥэ…
Саха тапталлаах ырыаһыта, ырыа айааччы, СӨ үтүөлээх артыыската Тамара Попова сыанаҕа тахсыа эрэ кэрэх, көрөөччүлэр…