Хаартыска Мэҥэ Хаҥалас улууһун дьаһалтатын пресс-сулууспатыттан
Атырдьах ыйын 21 күнүгэр Мэҥэ Хаҥалас улууһун дьаһалтатын үлэтин тэрийиигэ уонна каадырдарга салааны салайар Станислав Захаров уонна Хаптаҕай нэһилиэгин баһылыга Иван Зыков Саха Өрөспүүбүлүкэтин тыатын хаһаайыстыбатын, үлэ, тыыл бэтэрээнин Николай Николаевич Романовы 90 сааһын туолбут ытык-бэлиэ күнүнэн дьиэтигэр тиийэн эҕэрдэлээтилэр.
Бу туһунан Мэҥэ Хаҥалас улууһун дьаһалтатын пресс-сулууспата иһитиннэрэр.
Ытык кырдьаҕаска Кириэмилтэн уонна СӨ Ил Дархана Айсен Николаев, улуус баһылыга Дмитрий Тихонов ааттарыттан итиэннэ улуустааҕы социальнай харалта салалтатыттан эҕэрдэ суруктары, өйдөбүнньүк бэлэхтэри туттардылар.
Николай Николаевич үйэлээх сааһын тухары үлэни өрө туппут, элбэх оҕо амарах аҕата, үгүс сиэн, хос сиэн эйэҕэс эһэтэ. Кини сааһын тухары «Ленин» аатынан сопхуос биир бастыҥ, тарбахха баттанар бэтэринээринэн үлэлээбитэ. Үтүө суобастаах үлэтин иһин «Социалистическай күрэхтэһии кыайыылааҕа» бэлиэнэн, грамоталарынан, махтал суруктарынан наҕараадаламмыта. Кини настаабынньык, аҕа сүбэһит быһыытынан элбэх ыччаты, исписэлииһи үөрэтэн, иитэн-такайан таһаарбыта.
1953 сыллаахха “Сэбиэскэй сойуус уонна Кытай доҕордоһуулара” мэтээлинэн наҕараадаламмыта, Мэҥэ Хаҥалас улууһун Бочуотун кинигэтигэр кини аата суруллан киирбитэ. Николай Николаевич үлэни өрө тутан, уһун дьоһуннаах олоҕу олорон кэллэ, кини олоҕун суола биһиэхэ барыбытыгар үтүө холобур буолар.
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…