Саха сиригэр массыынаны айылҕа гааһыгар көһөрүү кыаҕа сайдан иһэр.
Ол курдук, Дьокуускайга Энергетик 51/4 түөлбэҕэ көлөнү метаҥҥа көһөрүү өссө биир анал киинэ аһылынна. Маннык кииннэр үстэр.
«Гаас уматык биһиги усулуобуйабытыгар ордук көдьүүстээҕэ биллэр. Онон маннык хайысхалаах үлэҕэ бэлэмнэнии барар. Массыыналарын гаастаах мотуор уматыкка көһөрөр дьону 90% субсидиянан өйөөн, улахан чэпчэтиини оҥоробут. Гааһынан сапыраапкаланар ыстаансыйалары тутар бырагырааманы олоххо киллэрэн, Дьокуускайы эрэ буолбакка, улуустары кытта хабыахпыт. Бэйэбитигэр айылҕа гааһа дэлэй. Ону көдьүүстээхтик туһанар кэм кэллэ», — диэн Ил Дархан Айсен Николаев бэлиэтээн турар.
Массыына көлөнү билигин метанынан Дьокууйскайга AutoGAS PRO уонна СахаАвтоГазСервис, Мииринэйгэ Алмаздортранс анал сапыраапкалар ыстаансыйаларыгар сапыраапкалыыллар. Бырамыысыланнас уонна геология миниистирэ Максим Терещенко бэлиэтээбитинэн, быйылгы сылга сэтинньигэ уонна ахсынньыга гаас уматыкка барыстаахтык көһүөххэ сөп. Ол эбэтэр гаас уматыкка көһөр тэрил иһин 10% төлүүгүн, 90%-нын судаарыстыба уйунар.
Бу туһунан Ил Дархан уонна Бырабыыталыстыба пресс-сулууспата иһитиннэрэринэн, 2030 сылга диэри өрөспүүбүлүкэҕэ 40 гаас уматыгынан хааччыйар сапыраапка баар буолуо. Санатан эттэххэ, быйыл федеральнай бүддьүөттэн Саха сиригэр 34 мөлүйүөн солкуобай кэриҥэ саҥа гаас уматыгынан хааччыйар ыстаансыйаны тутууга үп көрүлүннэ. Маны таһынан, Ленскэйгэ 2022 сыл бүтүөр диэри саҥа элбэх уматыгынан хаччыйар сапыраапка тутуута түмүктэниэҕэ.
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…