Миэбэл фирматын менеджерэ килийиэни аҕаһастык албыннаабыт

Мииринэйгэ миэбэл фирматын менеджерэ килийиэни уонна үлэ биэрээччини 100 тыһыынча солкуобайга албыннаабыт. 42 саастаах эр киһи бастаан харчыны уорбут, онтон килийиэҥҥэ сакааһы кэтэспэтин туһунан эппит. Бу туһунан ИДьМ пресс-сулууспата иһитиннэрэр.

Силиэстийэ быһаарыытынан, хара санаалаах эр киһи үлэ биэрээччигэ эппэккэ эрэ куухуньа гарнитуратын оҥорууга Мииринэй 35 саастаах олохтооҕун кытта дуогабар түһэрсибит. Дуогабар реквизиттэригэр кини бэйэтин билэр киһитин счетун ыйбыт. Эмсэҕэлээбит киһиттэн 98450 солк. суума төлөбүрү ылан, араас биричиинэнэн оҥоһугу аҕалыы уһаабытын, оттон кэлин отой даҕаны аһаҕастык харчыны сүүлүктээн ылбытын билиммит.

Уоруллубут харчыны бэйэтин баҕатынан туһаммыт. Холуобунай дьыала тэрилиннэ.