Хаартыска: sakhagov.ru
От ыйын 8 күнүттэн алтынньы 8 күнүгэр диэри «ВКонтакте» ситимҥэ Бүтүн Арассыыйатааҕы «Миэхэ кэргэн таҕыс» диэн марафон ыытыллар. Иккис сылын марафон дойду үрдүнэн таптаһар пааралары түмэр уонна ыал буолуохтарын баҕарбыт үөрүүлээх түгэннэрин үллэстэргэ ыҥырар.
Ыал буолары былаанныыр пааралар, ыал буолбуттар, эбэтэр «Госуслуги» нөҥүө ЗАГС-ка сайабылыанньа биэрбит пааралар марафоҥҥа кыттыахтарын сөп. «Экономика данных» национальнай бырайыак чэрчитинэн ЗАГС-ка онлайн сайаапка биэрэр кыах баар буолла, бу марафон өйөбүлүнэн ыытыллар.
Кыттыаххын баҕарар буоллаххына, «ВКонтакте» тус бэйэҥ аһаҕас ханаалгар суруйууну таһаарыаххын уонна хаартысканы эбэтэр видеоны сыһыарыаххын наада. Ону тэҥэ кыттааччы #ВыходиЗаМеня уонна #Госуслуги диэн хештегтары суруйуохтаах уонна «ВКонтакте» ситимҥэ «Госуслуги» уопсастыбатыгар суруйтарыахтаах.
Бириистэр кыайыылаахтара выходизаменя.рф диэн бырайыак саайтыгар биллэллэр. Сүрүн бирииһи — икки киһи Арассыыйа устун айанныыр сэртипикээтин — күрэхтэһии түмүгүнэн дьүүллүүр сүбэ туттарыаҕа.
Марафону National Priorities тэрилтэ Арассыыйа Цифровой сайдыыга министиэристибэтин уонна «ВКонтакте» өйөбүллэринэн тэрийэр. Былырыын 660-тан тахса паара бэйэлэрин олохторуттан кэпсээннэрин үллэстибиттэрэ.
Саамай үчүгэй суруйуулар бырайыак саайтыгар тахсыахтара. Бастакы кэпсээннэри марафону саҕалаабыт блогердар таһаарыахтара, ол иһигэр Катя-Дима, Маша уонна Роберт Гербер уо.д.а. Ону тэҥэ выходизаменя.рф сайтка кыттыыны ылыы усулуобуйатын, бириистэри уонна «Госуслуги» нөҥүө саахса регистрациятыгар сайабылыанньа биэрэр кыах туһунан иһитиннэрии баар.
«Госуслуги» нөҥүө ЗАГС-ка сайабылыанньа биэрэр онлайн-сервиһинэн уопсайа 2,3 мөлүйүөнтэн тахса паара туһанна.
Сиһилии: https://www.sakha.gov.ru/news/8440
От ыйын 17 күнүгэр Алдан оройуонун Томмот бөһүөлэгэр сымыыт саҕа тобурах түстэ. Бастаан ардах түспүт,…
Бүгүн СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников салайааччылах оробуочай бөлөх Өймөкөөн улууһугар үлэлээтэ. СӨ…
Арассыыйа устун айаны табыгастаах уонна куттала суох оҥоруу – «Туризм уонна ыалдьытымсах буолуу» национальнай бырайыак…
Байыаннай дьайыы бэтэрээнэ Марк Белолюбскай "Аҕа дойдуну көмүскээччилэр" пуонда филиалын көмөтүнэн бэйэ дьыалатын тэринэр. Дойдутугар…
«Благоустройство Дальневосточных дворов» федеральнай бырагыраама чэрчитинэн, 2025 сылга Саха сиригэр 17 тиэргэни тупсаран оҥоруохтара диэн…
Улуустар окко кииритэлээн эрэллэр. Сир-сир аайы от үүнүүтэ араас. Бүлүү улууһун отчуттара эмиэ ходуһаларга кииритэлээн…