Михаил Алексеев пааматынньыгар сибэкки дьөрбөтүн уурдулар

Бүгүн Дьокуускай куоракка уһулуччулаах учуутал Михаил Андреевич Алексеев пааматынньыгар сибэкки дьөрбөтүн ууруу үөрүүлээх тэрээһинэ буолла диэн Үөһээ Бүлүү улууһун дьаһалтатын пресс-сулууспата иһитиннэрдэ. 

Улуу учуутал сырдык аатыгар сүгүрүйэн өрөспүүбүлүкэ уонна Үөһээ Бүлүү салалтатын үлэһиттэрэ, Михаил Андреевич аймахтара, Дьокуускай куорат оскуолатын дириэктэрдэрэ, учууталлара, үөрэнээччилэрэ, Үөһээ Бүлүүтээҕи лиссиэй-интэринээти бүтэрбит араас сыллардааҕы выпускниктар кыттыыны ыллылар.

Бу күн Арассыыйа  норуодунай учуутала Потапов Виктор Филиппович учууталын туһунан истиҥ-иһирэх тылынан ахтан-санаан ааста.

Саха омук дьолугар төрөөн-үөскээн ааспыт чулуу киһи, уһулуччулаах учуутал Михаил Андреевич Алексеев үтүө аатыгар сүгүрүйэбит, махтанабыт диэн  пресс-сулууспа суруйар.