Михаил Ан: «Биһиги взводтан ким да эчэйбэтэ»

Үөһээ Бүлүү улууһун  дьаһалтатын үөрэҕин  управлениетын салайааччы Спиридон Борбуев эмиэ бу улуустан төрүттээх, саха уолаттарын илдьэ сылдьар, взвод  хамандыыра Михаил Аны кытары сибээстэһэ, билсэ олорор, сонуннарын кэпсиир:

— Михаил Ан видеонан эрийэ сырытта. «Бэтэрээ соҕус киирэн таҕыстыбыт, бары этэҥҥэ төннөн кэллибит. Биһиги взводтан ким даҕаны эчэйбэтэ. Штурмовойга баҕалаахтар барбыттара, сахалар да онно киирбиттэрэ. Мин илдьэ сылдьар уолаттарбын онно ыыппаппын. Бэйэм барыахпын баҕаран көрбүтүм да, уолаттар «эн барар буоллаххына, бары барсабыт» диэннэр, ол санаам тохтоото. Билигин бары этэҥҥэбит».

Анаан видео нөҥүө хаартыскаҕа түстэ, баттах кырыйтаран, суунан-тараанан, астынан олоробут диир.

Ыспыраапка:

Михаил Васильевич Ан — парашютист, муора пехотинеһа, быыһааччы, учуутал, баһаарынай, булчут, снайпер, байыаннай-патриотическай иитиини көҕүлээччи, элбэх оҕолоох аҕа. Үөһээ Бүлүүтээҕи көрдүүр-быыһыыр этэрээт начаалынньыгынан үлэлээбитэ. Биир дойдулаахтара кинини «Үөһээ Бүлүү оборуонатын миниистирэ» диэн ааттаабыттара. Билигин кини анал байыаннай дьайыыга  саха уолаттарын взводтарын хамандыыра. Үгүс сыратын байыаннай-патриотическай иитиигэ биэрбит уопуттаах салайааччы уолаттары көрө-истэ, араҥаччылыы сылдьар. Олоҕор муора пехотинецтарын девизтэрин тутуһар: «Там, где мы — там победа!».