Хаартыска СӨ Гражданскай оборуонаҕа министиэристибэтиттэн
«Саха сирэ – Дьоруойдар дойдулара» каадыр бырагырааматын кыттыылааҕа Михаил Ан СӨ нэһилиэнньэҕэ куттал суох буолуутугар эппиэтинэстээх сүрүн структуралар үлэлэрин кытта салгыы билсэр. Бу туһунан СӨ Гражданскай оборуонаҕа уонна нэһилиэнньэ олоҕор куттал суох буолуутун хааччыйыыга министиэристибэтэ иһитиннэрэр.
Стажировка чэрчитинэн, кини СӨ Гражданскай оборуонаҕа уонна нэһилиэнньэ олоҕор куттал суох буолуутун хааччыйыыга министиэристибэ иһинэн баар тэрилтэлэргэ үөрэнэр, инники салайар үлэтигэр сыаналаах уопуту ылар.
Баһаары утары охсуһар судаарыстыбаннай сулууспа начаалынньыгын эбээһинэһин толорооччу Анатолий Павлов салайыытынан кини управление структуратын уонна үлэтин сүрүн хайысхаларын үөрэттэ, ол иһигэр уоту умуруорууну тэрийиини, баһаары сэрэтиини уонна суһал-дьуһуурунай подразделениелар үлэлэрин билистэ.
Михаил Васильевич Хатас сэлиэнньэтигэр 8 №-дээх уонна Табаҕа сэлиэнньэтигэр 11 №-дээх уоту умуруорар чаастарга сырытта. Онно тиэхиньикэни, тэрили уонна уот умуруоруу күннээҕи үлэлэрин бэйэтинэн билистэ. Ону таһынан, быыһыыр-көрдөһөр этэрээт уопуттаах салайааччытын быһыытынан, үлэһиттэргэ бастакы көмөнү оҥорууга маастар-кылааһы ыытта, санаатын үллэһиннэ.
Стажировка кэмигэр социальнай аахсыйаҕа кыттынна: Михаил Ан үлэ бэтэрээнин Варвара Семеновна Прудецкая дьиэтигэр АДПИ туруорда, бу аҕам саастаах уонна социальнай өттүнэн кыаммат дьоҥҥо уоттан харыстааһыҥҥа ураты суолталаах прибор.
“Саха сирэ – Дьоруойдар дойдулара" каадыр бырагырааматын кыттыылааҕа уонна СӨ Уу хаһаайыстыбатын уонна халаан содулларын…
Атырдьах ыйын 1-2 күннэригэр Амма улууһун киинигэр “Төрүт түөлбэм төлкөтө” диэн уопсастыбанньыктар пуорумнара ыытыллар. Бу…
Биирдии киилэ моркуобу, помидору, луугу итиэннэ киилэ аҥара биэрэһи, 300 г петрушканы, биир оччо укуруобу…
Бу күннэргэ оройуоҥҥа доруобуйа харыстабылын министиэристибэтиттэн эмчиттэр бөлөхтөрө үлэлии сылдьар. Бу туһунан улуустааҕы"Хотугу сардаҥа" хаһыат…
Бу күннэргэ өбүгэ ньыматынан сахалыы эмтиир Виктор Кривошапкин үбүлүөйдээх 65 сааһын бэрт уратытык бэлиэтээтэ. Сахалыы…
Индигиир өрүс алдьатыылаах халаанын кэнниттэн Өймөкөөн улууһун нэһилиэктэригэр чөлүгэр түһэрии үлэтэ тэтимнээхтик бара турар. Улууска…