Хаартыска: sakha.gov.ru
Байыаннай дьайыы бэтэрээнэ, «Саха сирэ — Дьоруойдар сирдэрэ» каадыр бырагырааматын кыттыылааҕа Михаил Ан СӨ Гражданскай оборуонаҕа министиэристибэтигэр СӨ Бырабыыталыстыбатын бастакы вице-премьера Дмитрий Садовников салалтатынан стажировкатын түмүктээтэ.
«Аҕа дойдуну көмүскээччилэр» пуонда Саха сиринээҕи филиалыгар бэлиэтээбиттэринэн, Михаил Ан сэрии хонуутугар эр санаалааҕын көрдөрөн, аны эйэлээх олоххо бэйэтин суолун булунар.
Михаил 2022 сыллаахха балаҕан ыйыгар байыаннай дьайыыга кытта барбыта. Бэбиэскэ тутуон даҕаны иннинэ, кини ойоҕун кытта сулууспаҕа барыан сөбүн эрдэттэн кэпсэппиттэрэ.
Стажировка координатордара Михаил Ан эппиэтинэстээх, лиидэрдиии хаачыстыбалардаах киһи буоларын бэлиэтээтилэр. Кини бэйэтин оройуонугар хас даҕаны оскуолаҕа дириэктэрдээбит, байыаннай хомуурдары тэрийбит, ыччаты байыаннай-патриоттуу иитиинэн дьарыктаммыт.
Байыаннай дьайыыттан кэлэн, Михаил Ан пуонда филиалыгар тиийбит. Филиал үлэһиттэрин көмөлөрүнэн байыаннай дьайыы бэтэрээнэ дастабырыанньатын ылбыт, итиэннэ оройуонун патриоттуу үлэтигэр көхөөхтүк үлэлээн саҕалаабыт.
Билигин Михаил Ан Үөһээ Бүлүүтээҕи байыаннай дьайыы бэтэрээннэрин түмсүүтүн бэрэссэдээтэлинэн уонна Үөһээ Бүлүүтээҕи көрдүүр-быыһыыр этэрээт начаалынньыгынан үлэлиир.
Сиһилии: https://www.sakha.gov.ru/news/10812
Ленскэйдээҕи территориальнай быыбардыыр хамыыһыйа атырдьах ыйын 28 күнүгэр Орто Наахара нэһилиэгин учаастактааҕы быыбардыыр хамыыһыйаларыгар түмүктүүр…
Саха сиригэр Орто Азия 40 саастаах олохтооҕо охсуһуу кэмигэр киһи доруобуйатын улаханнык эчэппитин иһин сууттаныаҕа.…
Балаҕан ыйыгар өрөспүүбүлүкэ киин куоратыгар Аан дойду иккис сэриитэ түмүктэммит күнүгэр анаан бырааһынньыктааҕы тэрээһиннэр ыытыллыахтара.…
Билии күнүн иннинэ Дьокуускай куоракка бэйдиэ сылдьар ыттары тутуу үлэтэ күүһүрдэ диэн куорат дьаһалтатын пресс-сулууспатыгар…
Дьокуускайга Лермонтов уулуссатыгар баар Ийэ искибиэрин тохтобулугар сылаас тохтобулу туруордулар. Бу туһунан киин куорат суолга…
ИДьМ Үөһээ Бүлүүтээҕи салаатын холуобунай кодексын үлэһиттэрэ эрдэ сууттана сылдьыбыт 48 саастаах киһи хас даҕаны…