Михаил Ан: «Үөрэхтээһин бастакы түһүмэҕин этэҥҥэ түмүктээтибит»

Бэҕэһээҥҥиттэн, балаҕан ыйын 8 күнүттэн, “Саха сирэ – дьоруойдар сирдэрэ” өрөспүүбүлүкэтээҕи байыаннай дьайыы кыттыылаахтарыттан каадыры бэлэмнээһин бырагырааматын чэрчитинэн үөрэхтээһин иккис түһүмэҕэ саҕаланна.

Бырагыраама кыттыылааҕа, Бүлүүтээҕи көрдүүр-быыһыыр этэрээт начаалынньыга Михаил Ан санаатын үллэһиннэ:

— Үөрэхтээһин бастакы түһүмэҕин этэҥҥэ түмүктээтибит. Бэйэбэр олус элбэх саҥаны биллим-көрдүм. Инновационнай менеджмент үрдүкү оскуолатыгар каадырдары бэлэмнээһин таһымнаахтык уонна тэриллиилээхтик ыытыллар эбит.