СИА түһэриитэ.
Тыа хаһаайыстыбатын оҥорон таһаарааччыларын сийиэһэ бүгүн пленарнай мунньаҕынан түмүктэннэ. Сийиэскэ тыа хаһаайыстабытын оҥорон таһаарааччылара, 300-кэ дэлэгээт кытынна.
Кинилэр ортолоругар Үлэ Дьоруойа, Уус Алдан улууһун «Удьуор» бааһынай хаһаайыстыбатын баһылыга Михаил Николаевич Готовцев баар. Сийиэстэн санаатын кини бу курдук кэпсиир:
— Биһиги ынах сүөһүнү иитиинэн дьарыктанабыт. Сүрүннээн үүтү туттарабыт. Быйыл хаһаайыстыбабытын кэҥэтээрибит «Дьиэ кэргэн» Гранын ыллыбыт.
Кэнники сылларга күммүт-дьылбыт уларыйан, кураан сыллар кэлэннэр, сүөһү аһылыгын бэлэмнээһин уустугурда. Сайынын от үүммэт эбэтэр ардахтыыр. Онон сүөһү аһылыгын булунуу ыарахаттардаах. Аһатар баазата суох хайдах сүөһү иитиэхпитий. Ааспыт күһүн кыстыкка киириигэ, итинник кыһалҕаттан сүөһүбүт ахсаанын аҕыйаппыппыт. Салгыы маннык бардаҕына, эстэр куттал баар.
Ол иһин бу ылбыт гранынан араас тиэхиньикэлэри — от үүннэриитинэн дьарыктанарга сиэмэлээх култуураны ыһар массыынаны, ууну ыстарар массыынаны, бааһынаҕа үлэлиир улахан тыраахтары, сенажнай пресс-подборщигы ылар былааннаахпыт.
Убаһалаах алааспытыгар баар баазабытыгар газгольдерынан гаас киллэттэрэр баҕа санаалаахпыт.
Сийиэс сүнньүнэн үчүгэй, тыа хаһаайыстыбатын оҥорон таһаарааччылара бэйэ-бэйэлэрин кытары билсэллэригэр, кыһалҕаларын быһаарсалларыгар сөптөөх дии саныыбын.
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…