Михаил Готовцев: «Мин инникигэ эрэнэбин, биһиги лиидэрбитигэр эрэнэбин»

РФ Үлэ Дьоруойа, Үлэ Албан аата уордьаннар толору кавалердара, СӨ бочуоттаах гражданина, «Удьуор» бааһынай хаһаайыстыбатын баһылыга Михаил Готовцев дойду Бэрэсидьиэнэ Владимир Путин ыытар судаарыстыбанай бэлиитикэтин өйүүр.

«Дойду Бэрэсидьиэнэ быһа эпииргэ Арассыыйа экэниэмикэтин саппааһа иннин диэки эрэллээхтик барарыгар сөптөөх диэтэ. Судаарыстыба баһылыга дойду экэниэмикэтэ үүнүүтүгэр болҕомтотун уурар. Онно биһиги үлэбит сорҕото эмиэ баар. Онуоха Бэрэсидьиэн дойдуну аһынан-үөлүнэн хааччыйар тыа дьонун кылаатын бэлиэтээтэ. Ону сэргэ бааһынай-пиэрмэр хаһаайыстыбаларын судаарыстыбаннай өйөөһүн көдьүүһүн туһунан эттэ уонна инникитин даҕаны маннык өйөбүл дойду Бырабыыталыстыбатын өттүттэн баар буолуо диэтэ. Биллэн турар, ити биһигини кынаттыыр. Кэнники сылларга судаарыстыбаннай бырагыраамалар көмөлөрүнэн хаһаайыстыбабытын бөҕөргөтөбүт. Ол курдук дьиэ кэргэн граныгар кытынныбыт. Газгольдер туруоран, оҥорон таһаарар эбийиэктэрбитигэр гаас киллэрдибит, ол үлэ усулуобуйатын биллэрдик чэпчэтттэ. Мин биһиги Бэрэсидьиэммитигэр Владимир Владимирович Путиҥҥа үлэ киһитин өйүүрүгэр махтанабын уонна маннык лиидэрдээх буоламмын, инникигэ эрэллээхпин», — диэн санаатын үллэһиннэ Михаил Готовцев.

Саха сирэ тыа хаһаайыстыбатыгар баалабай бородууктаны оҥорон таһаарыыга Уһук Илин субъектарын ортолоругар үһүс миэстэни ылар, кини уокурук уопсай оҥрон таһаарар иэниттэн 12% өлүүтүн ылар.

Ааспыт биэс сылга агропромышленнай комплекс өйөбүлэ 10,5-н 13,7 млрд солк. диэри улаатта диэн СӨ Баһылыгын уонна Бырабыыталыстыбатын пресс-сулууспата иһитиннэрэр.