Ааптар хаартыската
Тыа хаһаайыстыбатын оҥорон таһаарааччыларын сийиэһэ салҕанар. Сийиэс дэлэгээтэ, Таатта улууһун тыатын хаһаайыстыбатын управлениетын салайааччыта Михаил Хаптагаев санаатын үллэстэр:
— Сийиэс чэрчитинэн улуустааҕы тыа хаһаайыстыбатын салаатын салайааччылара Өрөспүүбүлүкэ Бырабыыталыстыбатын Бэрэссэдээтэлин солбуйааччы Михаил Никифоровы уонна тыа хаһаайыстыбатын миниистирэ Александр Атласовы кытары көрүстүбүт, атах тэпсэн олорон кэпсэттибит. Улуустарга тыа хаһаайыстыбатын салаатыгар баар кыһалҕалар тустарынан сиһилии кэпсэттибит, сүбэ-ама ыллыбыт.
Биһиги тыа хаһаайыстыбатын сайдыытыгар судаарыстыба туруорар сорудахтарын толорууга үлэлиибит. Сийиэстэргэ да эппитим курдук, олохтоох нэһилиэк баһылыктара уонна дьокутааттара күүскэ үлэлэһиэхпитин наада. Биһиги сүрүн туруорсуубутунан, сир боппуруоһа буолар. Урукку сокуонунан сир үксэ хаһаайыстыбаларга бэриллэн хаалла, инньэ гынан саҥа хаһаайыстыба тэринэр эбэтэр кэҥэтинэр киһи сирэ суох буолар түгэнэ баар. Онон сир сокуоннарыгар улахан уларытыылар киириэхтэрин наада диэн этэбит. Тыа хаһаайыстыбатыгар туттуллар сир анабылынан, хаһаайыстыбаннай кинигэнэн, бу киһи төһө сүөһүлээҕинэн-сылгылааҕынан сиргэ тиксиэхтээх дии саныыбын.
Үүт тутуутун мэхэньиисимэ биһиэхэ үһүс сылын үлэлиир. Итиннэ хаһаайыстыбалар кэтэх сүөһүлээх дьону кытары үүт туттарыытын харчыта тэҥ буолуон баҕарбаттар. Бу сыллар усталарыгар мэхэньиисим үчүгэйин, куһаҕанын ырыҥалыыр кэм кэллэ. Мин саныахпар, үүтү соҕотуопкалааччыларга улаханнык оҕуста. Оттон кэтэх хаһаайыстыбалаахтар сөбүлээтилэр.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…