Хаартыска: SakhaGov
Арассыыйа премьер-миниистирэ Михаил Мишустин Судаарыстыбаннай Дуумаҕа отчуоттуур кэмигэр “Тырааныспар инфраструктуратын модернизациялааһын” национальнай бырайыак чэрчитинэн Арассыыйа кэккэ аэропортарын модернизациялааһын үлэлэрэ түмүктэнэллэрин туһунан иһитиннэрдэ. Олор истэригэр Дьокуускайга Былатыан Ойуунускай аатынан норуоттар икки ардыларынааҕы аэропорт баар.
«Кемероваҕа, Томскайга, Дьокуускайга көтөр-түһэр балаһалары саҥардыыны түмүктээтибит. Улан-Удэҕэ, Ставропольга, Новокузнецкайга, Чебоксарыга, Казаньҥа, Нерюнгрига аэровокзал аныгы комплекстара арылыннылар. Уонна, биллэн турар, Магадаҥҥа былырыын сайын бырайыак олоххо хайдах киллэриллэрин тус бэйэм сылдьан көрбүтүм. Ону сэргэ Хабаровскай, Новосибирскай, Хайалаах Алтай куораттарга аэропортар инфраструктураларын оҥоруу былаанын билсибитим”, — диэтэ премьер-министр.
Санатан эттэххэ, Дьокуускай аэропордун көтөр-түһэр балаһатын саҥардыы үлэтэ 2023 сыллаахха түмүктэммитэ. Ол кэнниттэн балаһа туһаныллар уһуна 3 600 миэтэрэ буолбута, ити ыраахтан кэлэр салгын суудуналарын түһэрэргэ улахан көмөлөөх.
2025 сылга Саха сиригэр өссө икки аэропорт – Полярнай уонна Өлүөхүмэ аэропортарын саҥардыы үлэтэ салҕанар. Онтон 2026–2027 сылларга Мииринэйгэ аэропорт саҥа комплексын тутуу түмүктэниэхтээх.
Инникитин, 2028-2030 сылларга өссө Зырянка, Маҕан, Ньурба уонна Полярнай аэропордун иккис уочаратын саҥардыы былааннанар.
2019-2024 сылларга “Эрэгийиэннээҕи аэропортары сайыннарыы” федеральнай бырайыак чэрчитинэн Саха сиригэр 11 аэропорт – Дьокуускайга, Черскэйгэ, Эдьигээҥҥэ, Хаандыгаҕа, Белай Гораҕа, Үөһээ Бүлүүгэ, Бүлүүгэ, Депутатскайга, Сангаарга, Нерюнгрига уонна Уус Ньараҕа модернизацияланна.
“Эрэгийиэннээҕи аэропортары сайыннарыы” федеральнай бырайыагы салҕааччынан 2025 сылтан “Тырааныспар туһалаах систиэмэтэ” саҥа национальнай бырайыак чэрчитинэн “Аэродромнар тирэх ситимнэрин сайыннарыы” федеральнай бырайыак буолла.
Бүгүн, ахсынньы 5 күнүгэр, Дьокуускайдааҕы А.Е. Кулаковскай аатынан норуоттар доҕордоһууларын дьиэтигэр өрөспүүбүлүкэ норуоттарын национальнай култуураларын…
СӨ Ил Дархана Айсен Николаев сэтинньи ый түмүгүнэн Уһук Илин губернатордарын медиа-рейтинин инники күөнүгэр таҕыста.…
Арассыыйа Наукаларын Академиятын Палеонтология институтун чинчийээччилэрэ Алексей Лопатин салайааччылаах, 35 тыһыынча сыл анараа өттүгэр Саха…
Дьокуускайга сыл аайы ыытыллар «Профориентация» быыстапка-дьаарбаҥка бэлэмнэнэр түһүмэҕэ буолуоҕа. Манна дойду бастыҥ үнүбэрситиэттэрин уонна орто…
Саҥа буспут кофе минньигэс амтана, корица сымнаҕас сыта... Тымныы күннэргэ букатын туох тэҥнэһиэй? Сорохтор итэҕэйэллэринэн,…
Ахсынньы 7 күнүгэр киин куоракка байыаннай дьайыы кыттыылаахтарыгар уонна бойобуой дьайыылар бэтэрээннэригэр аналлаах III физкултуурунай-спортивнай…