Хаартыска: Госдума саайтыттан
Премьер-миниистир Михаил Мишустин 2023 сыл түмүгүнэн дойдуга ис баалабай бородуукта 3,6% улааппытын, сайдыылаах дойдуларга бу көрдөрүү ортотунан 1,6% эрэ үрдээбитин туһунан иһитиннэрдэ.
Кини этэринэн, маннык көрдөрүүлэр тас дойдулар экэниэмикэлэригэр бэйэлэрэ көҕүлээбит сааҥсыйаларын дьайыыларын төрүөтүнэн буолар. Кини бу дааннайдары Госдумаҕа Бырабыыталыстыба 2023 сыллааҕы ыыппыт үлэтин отчуотугар кэпсээтэ. Михаил Мишустин 2024 сыл тохсунньутугар дойдуга ис баалабай бородуукта үүнүүтэ 4,6% тэҥнэспитин чуолкайдаата.
Премьер-миниистир дойду экэнэмиичэскэй көрдөрүүлэрин тустарынан этиититтэн сүрүнэ:
— 2023 сылга бырамыысыланнай оҥорон таһаарыы 3,5% улааппыт, саамай улахан көрдөрүүлэри 21 %- нан массыына оҥоруутун комплекса ситистэ;
— үлэтэ суох буолуу икки төгүл намтаан, 3% диэри түспүт;
— федеральнай бүддьүөт дохуота 29 трлн солк. куоһарбыт — сыл ахсын 5% кэриҥэ улаатар;
— 2022 сыллааҕы дааннайы кытта тэҥнээтэххэ ньиэп-гаас дохуота улааппыт;
— сыллааҕы инфляция 7,4%-нан бытаарбыт;
— страховой биэнсийэ уопсайа 15% эбиллибит;
— үлэ төлөбүрүн алын кээмэйэ 18%-тан тахса эбиллибит;
— наймылааһыны көҕүлүүр бырагырааманан 50 тыһ. киһи үлэ булуммут;
— биир кэлим босуобуйа 11 мөл. кэриҥэ оҕоҕо анаммыт;
— бу сылга 1,5 сааһыгар диэри оҕо көрөн олорор босуобуйа икки төгүл улааппыт уонна 50 тыһ. солк. диэри тэҥнэспит;
— дойдуга олох уһуна 73,5 сылга тэҥнэспит;
— үөрэх тэрилтэлэрин хапытаалынай өрөмүөнүн бырагырааматын чэрчитинэн 4 тыһ. тахса дьиэ тутуллубут;
— 2023 сылга уопсайа 110 мөл. кв. м. тахса иэннээх олорор дьиэ тутуллубут;
— олорор усулуобуйаларын 4,5 мөл. кэриҥэ ыал тупсарыммыт;
— дойду үрдүнэн 31 тыһ. тахса км уһуннаах суол тутуллан өрөмүөннэммит;
— сыл устата тоҕус куоракка аэропортар көтөр-түһэр балаһалара саҥардыллан, үлэҕэ киллэрилибиттэр;
— 2023 сылга федеральнай бүддьүөттэн тыа сирин сайыннарыыга 64 млрд солк. кэриҥэ үп-харчы ыытыллыбыт;
— 2022 сылы кытта тэҥнээтэххэ, былырыын гааска 40% элбэх олорор дьиэ холбоммут;
— бойобуой дьайыы бэтэрээннэригэр дастабырыанньа бэриллииитин бэрээдэгэ судургутуллубут;
— байыаннай дьайыы кыттыылаахтара баайга-дуолга нолуоктан босхолономмуттар, кинилэр үрдүк үөрэх кыһатыгар киирэргэ ордук көмөнү туһанналлар.
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…
Ахсынньы аам-даам тымныытын билиммэккэ, эмиэ айаҥҥа туруннубут. Бу сырыыга массыынабыт багажнигар көннөрү бакыаттар буолбакка, кимнээх…
Саха сиригэр "Уоту сэрэт – АДПИ туруор!" диэн дьиэҕэ буруо таҕыстаҕына сэрэтэр сигнализацияны туруоруу хампаанньата…
Ахсынньы 18 күнүттэн Дьокуускай куорат «Лена», «Синема», «Центральнай» уонна өрөспүүбүлүкэ үрдүнэн тарҕанан олорор «Сахафильм», «Экстра…
Ахсынньы 19 күнүгэр «Үргэл» арт-галереяҕа Татыйаас Филиппова «Дойду» диэн ааттаах бастакы персональнай быыстапката аһыллыа. Саҥа…
Анал байыаннай дьайыыга сылдьар буойуннары өйүүр «Илии сылааһа» волонтердар бырайыактара сылын аайы ыытыллар «Уһук Илин…