Хаартыска: СӨ Бырабыыталыстыбатын пресс-сулууспата.
РФ Бырабыыталыстыбатын Бэрэссэдээтэлэ Михаил Мишустин айар экэниэмикэ сайдыытыгар аналлаах стратегическай сиэссийэни ыытта.
Маныаха инники күөҥҥэ сылдьар бастыҥ эрэгийиэн диэн холобурдаан, кини Саха сирин бэлиэтээтэ.
«Ааспыт нэдиэлэҕэ Санкт-Петербурдааҕы норуоттар икки ардыларынааҕы экэнэмиичэскэй пуорум пленарнай мунньаҕар Бэрэсидьиэн айар экэниэмикэ боппуруостарыгар ураты болҕомтотун ууран туран, РФ Бырабыыталыстыбатыгар дойду эрэгийиэннэрин кытта бу аныгы сүүрээни сайыннарыыга уһун болдьохтоох стратегияны бэлэмнииргэ сорудахтаата. Бу хайысхаларга үлэ бара турар. Ол иһигэр норуот оҥоһуга, киинэ уонна анимация ускуустубата, муусука, муода, дизайн, архитектура, медиа, сонуну киэҥник тарҕатар сириэстибэлэр уо.д.а. Уопсайа 16 араас сонун хайысха сүрүннээн өй-санаа үлэтигэр олоҕурбут эрэллээх салаа. Онно сүрүн ресурс – идиэйэ, киһи хапытаала”, — диэн Михаил Мишустин тоһоҕолоото. Кини бу маны бэлиэтииригэр “биир бастыҥ холобурунан Саха сирэ буолар” диэн эттэ.
«Холобур, Саха сиригэр “Үлэ кыбаартала” креативнай кластер үлэлиир. Хас да сыллааҕыта өрөспүүбүлүкэҕэ сылдьар кэммэр, маннык хамсааһыны Ил Дарханы кытта дьүүллэспиппит. Онно тэрилтэни саҥа үлэҕэ киирэргэ былаанныыр этилэрэ. Билигин норуот оҥоһуктарыгар да, информационнай технология стартаптарыгар да аныгы, сонун көрүүлээх табыгастаах эйгэ тигинэччи үлэлии турар», — диэн эттэ Михаил Мишустин бэлиэтээтэ.
Арассыыйа бырабыыталыстыбатын бэрэссэдээтэлигэр үрдүк сыанабылын иһин Ил Дархан баһылыга Айсен Николаев бэйэтин телеграм-ханаалыгар махталын биллэрдэ: «Михаил Владимировичка үрдүктүк сыанабылыгар махтанабын. Биһиги төрүт үгэспитигэр, айар дьоҕур күүһүгэр уонна дьоммутугар тирэҕирэн, иннибит диэки эрэллээхтик хардыылаан иһэбит».
Санатан эттэххэ, «Үлэ кыбаартала» Арассыыйа Уһук Илин сайдыытыгар министиэристибэтин өйөбүлүнэн тэриллибит Уһук Илиҥҥи федеральнай уокурукка бастакы айар кластерынан буолбута. Манна айар куттаах IT-хампаанньа, кииинэ уонна анимация устуудьайалара, дизайнердар, модельердар, муусука, уруһуй, сыыппара технологиятын исписэлиистэрэ сонун сүүрээннэри айаллар, оҥороллор.
Сиһилии https://www.sakha.gov.ru/news/7138 сигэнэн билсиҥ.
Туймаада ыһыаҕа ыытыллар күннэригэр Үс Хатыҥҥа диэри барар оптуобустарга сыһыаннаах иһитиннэриини суруйдулар. Ол курдук, ыһыах…
Донбасска көмөлөһөр уонна өйүүр Хотугулуу-Илиҥҥи пуонда, ону тэҥэ атын уопсастыбаннай тэрилтэлэр байыаннай сулууспалаахтарга өссө түөрт…
«Манчаары оонньуулара» успуорт национальнай көрүҥнэригэр ХХІ спартакиадатын толору бырагыраамата таҕыста. Олимпиада Таатта улууһугар бу сыл…
Суут бириистэптэрин оройуоннааҕы биир отделыгар Саха сирин олохтооҕо суол быһылаанын түмүгэр матырыйаалынай хоромньуну төлүүр иэһигэр…
Эдэр ыал быйыл бу ипотекаҕа хапсаннар үөрүүлэрэ муҥура суох. Билигин Хатас сэлиэнньэтигэр олохсуйардыы оҥосто сылдьаллар.…
Хотугулуу-Илиҥҥи федеральнай университекка туйгун сыананан бүтэрбиттэргэ дьупулуому туттарыы үөрүүлээх тэрээһинэ буолан ааста. Бастакы түһүмэххэ кыһыл…