СИА хаартыската
Байыаннай эпэрээссийэ кыттыылаахтарыгар уонна кинилэр дьиэ кэргэттэригэр өрөспүүбүлүкэ, уопсастыбаннас уонна нэһилиэнньэ өттүттэн тиһиктээх көмө оҥоһуллар. Өрөспүүбүлүкэтээҕи өйөбүл дьаһалларын таһынан улуустар бары тус-туспа былаан оҥостон үлэлии олороллор.
Байыаннай эпэрээссийэттэн кэлбит биир дойдулаахтарын уонна кинилэргэ оҥоһуллар көмөлөр тустарынан Томпо оройуонун дьокутааттарын сэбиэтин бэрэссэдээтэлэ Михаил Неустроев кэпсиир:
— Томпо улууһугар анал байыаннай эпэрээссийэҕэ сылдьар биир дойдулаахтарбытын өйүүр сыаллаах, былааннаах үлэ барар. Оройуон дьаһалтатынан тэриллибит ыстаап инники кирбиигэ сылдьар уолаттар төрөппүттэрин, дьиэ кэргэттэрин кытары ыкса үлэлиир, туох наадатынан көмөлөһөр, информация хомуйа олорор.
Байыаннай дьайыыга кыттан кэлбит дьоммутун тута көрсөн, болҕомтоҕо ылан, туох кыһалҕалааҕынан көмөлөһөбүт. Атырдьах ыйын саҥатыгар «Боотур» баҕа өттүлэринэн кыттааччылар этэрээттэригэр киирсэн байыаннай дьайыыга сылдьыбыт биир дойдулаахтарбыт, хас даҕаны уол кэлбитэ. Кинилэр этэҥҥэ эргиллэн кэлбиттэриттэн бары даҕаны үөрдүбүт, аны күннээҕи олоххо миэстэлэрин булалларыгар, доруобуйаларын, эттэрин-хааннарын чэбдигирдэр үлэлэр барыахтара.
Билигин аны эбии хантарааҕынан хомуур үлэтэ бара турар. Томпо улууһуттан байыаннай эпэрээссийэҕэ хантараагынан сулууспааҕа эмиэ балайда киһи сылдьар.
Биһиги улууспут дьокутааттара байыаннай эпэрээссийэҕэ сылдьар биир дойдулаахтарыбытын өйүүр тэрээһиннэргэ, дьаһалларга бүттүүн кытталларын бэлиэтиэм этэ.
Аҕа дойду сэриитигэр Улуу Кыайыы үбүлүөйдээх 80 сылын тэрээһиннэрин түмүктүүр "Уоттаах сэрии сылларыгар" кинигэ биһирэмэ…
СӨ Бырабыыталыстыбатын Бэрэссэдээтэлин бастакы солбуйааччы Дьулустаан Борисов "Үтүө санаа харыйата" аахсыйаҕа кыттыыны ылла. Адаптивнай үөрэх…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Хаарчаана бэлэҕэ"…
Бастыҥ волонтерскай көҕүлээһиннэр уонна устудьуоннар түмсүүлэрэ "Уһук Илин сулуһа" бириэмийэнэн бэлиэтэннилэр. РФ Бырабыыталыстыбатыгар сыл ахсын…
Бэрдьигэстээххэ кырдьаҕастар уонна инбэлииттэр олорор социальнай дьиэлэригэр сэргэх тэрээһин буолла. Саҥа дьылы көрсө манна социальнай…
Бу күннэргэ Дьокуускайга Арчы дьиэтигэр сырдык санааны саҕар ис хоһоонноох дьоро тэрээһин буолан ааста. Бу…