Олунньу 22 күнүгэр Бүлүү улууһугар үгэс буолбут өрөспүүбүлүкэ ситэриилээх былааһын ааспыт сыллааҕы отчуотун түмүктээтэ.
Саха Өрөспүүбүлүкэтин Бырабыыталыстыбатын бэрэссэдээтэлин солбуйааччы Михаил Никифоров салайааччылаах оробуочай бөлөх бары улуус бары нэһилиэктэрин кэрийэн сүрүн социальнай эбийиэктэр туруктарын көрдө-иһиттэ, нэһилиэктэр олохтоохторун кытары биирдиилээн көрүстэ.
Түмүктүүр мунньахха Бүлүү куоратын олохтоохторун кыһалҕаларын этиннилэр.
Бэлиэтээн эттэххэ, түмүктүүр мунньахха үгүстүк улуус дьокутааттара туруорустулар.
Бүлүү куорат суолун асфаллааһыны, автобустар сырыыларын олохтооһуну, о.д.а. муниципальнай суолталаах кыһалҕалары эттилэр.
Бүлүү айан суола хаһан өрөмүөннэниэй, хаачыстыбата тупсуой диэн эмиэ ыйыттылар.
Саха тылын сайыннарыы боппуруоһа эмиэ турда. Өртөөһүн, ходуһа сирин нүөлсүтүү, о.д.а. кыһалҕалар ахтылыннылар.
Түмүктүүр мунньахха Михаил Никифоров Саха АССР 100 сыллаах үбүлүөйдээх бэлиэтин Н.И. Протопопова аатынан «Кэскил» эбии үөрэхтээһин методиһыгар Н.Д. Алексеевҕа, «ОДьКХ» ГУП Бүлүүтээҕи филиалын дириэктэригэр А.А.
Лобашевка, Бүлүү куорат Бизнес-инкубаторын менеджеригэр Л.В. Сергееваҕа, П.А. Петров аатынан Бүлүүтээҕи киин балыыһа кылаабынай бырааһыгар Е.А.Григорьевка туттардылар.
СӨ Бырабыыталыстыбатын Махтал суругун
Бүлүү улууһун уопсастыбаннай тэрилтэтин координаторыгар М.П. Томскаяҕа, «Бүлүү» турбаза салайааччытыгар С.Р. Харлампьевка туттарда.
Ахсынньы 29 күнэ. Ил Дархан Мэҥэ Хаҥалас улууһугар үлэлээтэ. Аллараа Бэстээххэ учаастактааҕы балыыһа саҥа дьиэтэ…
Саха саныырынан, утуйар уу араастаах. Сылбай уу кэмэ -- киэһэ сыппыт кэннэ түүн үөһүгэр диэри.…
Хатас нэһилиэгэ сыллааҕы үлэни-хамнаһы түмүктүүр киэһэтэ буолан ааста Сылы түмүктүүр, ааспыты анаарар, буолбуту ырытар ахсынньы…
Өрөспүүбүлүкэҕэ биир саамай кэрэ кэргэннии паараларынан Айталина уонна Вячеслав Лаверновтар буолаллар. Томпо уонна Амма Кэрэ…
Өбүгэлэрбит хайдах күн-дьыл буолуон эндэппэккэ билэллэрэ. Айылҕа араас көстүүтүн, оту-маһы, кыылы-сүөлү кэтээн көрөллөрүн туһунан элбэхтэ…
Атамайга элбэх хайысхалаах кииҥҥэ сэргэх тэрээһин буолла. Тэрээһин бастакы чааһыгар Атамай нэһилиэгин түөлбэлэригэр бастыҥнары чиэстиир…