Михаил Николаев аатын үйэтитэргэ туох үлэ ыытылларый?

Ил Дархан Айсен Николаев быһа эпиирин кэмигэр итинник ыйытыы киирдэ. 

— Михаил Ефимович Николаев лиичинэһин таһыма, норуотугар оҥорбут өҥөтө сөҕүмэр. Мин бэйэм кини аатын үйэтитиигэ үлэлэһэр хамыыһыйаны салайабын. Онуоха элбэх этиилэр киирэ тураллар. Олору быһаарсабыт, ырытыһабыт. Уопсастыбаннас ырытыһарын эмиэ истэбит. Ону барытын түмэн, торумнаан баран, Михаил Ефимович төрөөбүт күнүгэр — сэтинньи 13 күнүгэр кини аатын үйэтитэргэ анаммыт ыйааҕы таһаарыаҕым. Судаарыстыбаннас күнүн иннинэ бастакы бэрэсидьиэн төрөөбүт Өктөмүгэр Николаев-кииҥҥэ уопсастыбаннас мунньаҕа буолла. Бу үгэс сыл аайы салҕанар буолла, — диэн Ил Дархан эттэ.