Михаил Николаев аатынан проспекка саҥа дьиэ үлэҕэ киирдэ

Share

Бүгүн, тохсунньу 19 күнүгэр, Дьокуускайга СӨ Бастакы бэрэсидьиэнэ М.Е.Николаев аатынан саҥа уларыйбыт проспекка  саҥа дьиэ күлүүстэрин  үөрүүлээх быһыыга-майгыга туттардылар. Бэлиэтээн суруйдахха, ааспыт сыл сэтинньи 13 күнүгэр Ил Дархан Айсен Николаев  Бастакы бэрэсидьиэн М.Е.Николаев аатын үйэтитии туһунан 93 №-дээх ыйааҕа  тахсыбыта.

Тэрээһиҥҥэ Дьокуускай куорат дьаһалтатын баһылыгын солбуйааччы Антон Алексеенко, СӨ тутуу  миниистирин бастакы солбуйааччы Евгений Афанасьев уонна «Сэттэ» тутуу хампаанньатын бөлөҕө кыттыыны ыллылар. Саҥа дьиэҕэ киирии сиэрин-туомун Алгыс Уйбаан аал уоту оттон толордо.

Дьон санаата

Петр Васильевич Цой:

Биһиги дьиэ кэргэн «cэттэлэртэн» икки хостоох кыбартыыра атыылаһан бүгүн күлүүспүтүн үөрүүлээх быһыыга-майгыга туттубут. Бу биһиги  иккис дьиэбит буолар, оҕолорбутугар диэн анаан ыллыбыт. Кыбартыырабытын Уһук Илин ипотека  бырагырааманан, ону сэргэ ийэ хапытаалын туһанан атыыластыбыт. М.Е.Николаев өрөспүүбүлүкэбитигэр элбэх үтүөнү оҥорбут киһи буолар. Онон, кини аат сүгэр проспект бастакы дьиэ күлүүһүн туппуппутуттан олус үөрдүбүт уонна киэн туттабыт. Арассыыйа, өрөспүүбүлүкэ өйөбүлүнэн эдэр ыал дьиэ-уот тэринэллэрэ судургу диэн этиэм этэ.  Түгэнинэн туһанан өрөспүүбүлүкэбит, дойдубут салалтатыгар махталбын тиэрдэбин.

Мария Васильева хаартыскаҕа түһэриитэ

Артем Дмитриевич Набережнай:

— Биһиги Уһук Илиҥҥи ипотека  бырагыраамаҕа киирсэн  икки хостоох дьиэ атыыластыбыт. Бу иннинэ биир хостоох дьиэҕэ олорбуппут. Уол оҕолоохпут.  Оҕобут улаатан туспа хос көрдүүр, онон дьиэбитин кэҥэтиннибит диэн этиэм этэ. Түгэнинэн туһанан Ил Дархаммытыгар Айсен Сергеевичкэ махталбытын тиэрдиэхпитин баҕарабыт, Бастакы бэрэсидьиэн аатын үйэтитэн Николаев проспега диэн уларыйбыта биһиэхэ, саха дьонугар-сэргэтигэр улахан суолталаах. Онуоха бастакы дьиэ күлүүһүн туппуппут үөрүүбүтүн икки бүк үрдэтэр.

Мария Васильева хаартыскаҕа түһэриитэ

Санатан эттэххэ, дойду Бэрэсидьиэнэ Владимир Путин РФ бырабыыталыстыбатыгар «Уһук Илиҥҥи ипотеканы»  2030 сылга диэри уһатарга сорудахтаабыта.

Recent Posts

  • Сонуннар
  • Сүрүн
  • Үөрэх

2-с кылаас үөрэнээччитэ улахан киһини быыһаабыт

Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…

8 часов ago
  • Байыаннай эпэрээссийэ
  • Култуура
  • Сонуннар

Саха сиригэр култуура тэрээһиннэрин ыытыыга түөрт тыһыынча кэриҥэ волонтер көмөлөһөр

Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…

9 часов ago
  • Култуура
  • Сонуннар

Бороҕоннооҕу оҕо ускуустубатын оскуолата “Дьиэ кэргэн” национальнай бырайыак иитинэн хаҥатыллыбыт

Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…

9 часов ago
  • Сонуннар
  • Тыа хаһаайыстыбата
  • Уопсастыба

Быйыл Арктика улуустарыгар 522 туонна оҕуруот аһын тириэрдибиттэр

Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…

9 часов ago
  • Быһылаан
  • Сонуннар
  • Уопсастыба

Буруйу оҥорууга 33 саастаах дьахтар кыттыгастааҕа биллибит

ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…

10 часов ago
  • Сонуннар
  • Сүбэһит
  • Чэгиэн

Биир эрэ кулгаахха наушнигы кэтии дьүлэй буолууга тириэрдэр

Киһи кулгааҕа тыаһы, дорҕоону икки кулгааҕынан  истэргэ аналлаах. Өскөтүн биир эрэ кулгаахха наушнигы кэтэн иһиттэххэ…

10 часов ago