Михаил Николаев байыаннай эпэрээссийэҕэ кыттыбыт биир дойдулаахтарбытын кытары көрүстэ

Москваҕа  баар «Бэс Чагда» санаторийга анал байыаннай эпэрээссийэҕэ кыттыбыт биир дойдулаахтарбыт доруобуйаларын чөлүгэр түһэрэ, эмтэнэ сылдьаллар.

Бэҕэһээ Саха сирин бастакы Бэрэсидьиэнэ Михаил Николаев уолаттары кытары көрүстэ, сүбэ-соргу биэрдэ, эмтэнии хайдах баран иһэрин, анал эпэрээссийэҕэ хайдах кыттыбыттарын билистэ. Этэҥҥэ эмтэнэн, чэгиэн-чэбдик буолалларыгар, чөл олоҕу тутуһалларыгар баҕарда.
Уолаттар Михаил Ефимовиһы кытта  ирэ-хоро кэпсэтэн, санааларын атастаһан астынан тарҕастылар.