Хаартыскалар: ааптар уонна "Николаев-Киин" пресс-сулууспата
Саха Өрөспүүбүлүкэтин бастакы Бэрэсидьиэнэ Михаил Николаев нэһилиэнньэ доруобуйатыгар, доруобуйа харыстабылын сайыннарыыыга уонна чөл олоҕу тутуһууга ураты болҕомтотун уурбута. Ол да иһин, кини бастакы Ыйааҕынан «О первоочередных мерах по совершенствованию здравоохранения Республики Саха (Якутия)» буолбута, чөл олох доктринатын, Доруобуйа күнүн олохтообута.
Михаил Николаев 2000 сыллааҕы Ыйааҕынан, Саха Өрөспүүбүлүкэтигэр олунньу бүтэһик өрөбүлүгэр Доруобуйа Национальнай күнэ бэлиэтэнэр. Национальнай күн сүрүн сыала-соруга — хас биирдии дьиэ кэргэҥҥэ, үлэ кэлэктииптэригэр чөл олоҕу тутуһуу. Бу духуобунаска, майгы-сигили уонна доруобуйа туругар улахан суолталаах.
Саха сиригэр Доруобуйа Национальнай күнүн дэкээдэтин чэрчитинэн, олунньу 27 күнүгэр Хаҥалас улууһун Өктөм сэлиэнньэтигэр Николаев-Кииҥҥэ “Саха Өрөспүүбүлүкэтигэр Доруобуйа Национальнай күнэ: 25 сылга үгэстэр уонна ситиһиилэр” өрөспүүбүлүкэтээҕи пуорум тэрилиннэ. Пуорумҥа министиэристибэлэр, биэдэмэстибэлэр, муниципальнай тэриллиилэр, уопсастыбаннай тэрилтэлэр бэрэстэбиитэллэрэ уонна олохтоох дьон кытыннылар. Кинилэр Михаил Николаев “Саха Өрөспүүбүлүкэтигэр уопсастыба доруобуйатын бөҕөргөтүү уонна доруобуйа харыстабылын систиэмэтин сайыннарыы стратегическай хайысхаларын туһунан”, Доруобуйа уон сылыгар аналлаах ыйаахтарын уонна “Хас биирдиибит доруобуйата” федеральнай бырайыактар дьоһуннаах боппуруостарын дьүүллэстилэр.
Ону сэргэ, “Уопсастыба доруобуйатын бөҕөргөтүү – биһиги уопсай сорукпут” сиэссийэ, мэдиссиинэ үлэһиттэригэр диспансеризацияҕа аналлаах сэминээр, саастаах дьоҥҥо “Уһун үйэлэнии саҕахтарын арыйан», оскуола оҕолоругар “Чөл олох көлүөнэтэ», ыччакка “Чэгиэн ыччат – күүстээх өрөспүүбүлүкэ” аахсыйалар ыытылыннылар, эмчит буолуохтаах устудьуоннар уонна волонтердар араас бырагыраамаларга кытыннылар.
Пуорум чэрчитинэн, Покровскай куоракка хас да былаһаакканан доруобуйа дьаарбаҥкалара үлэлээтилэр. Манна улуус чугас да, ыраах да нэһилиэктэриттэн элбэх киһи кэлэн доруобуйатын көрдөрүннэ. Ол курдук, терапевт, невролог, педиатр, окулист уо.д.а. быраастар бааллар. Ону сэргэ “СПИД-Киин” исписэлиистэригэр тиэс-анаалыс туттаран, 15 мүнүүтэнэн түмүктэрин ыллылар. Онон, олохтоохтор суол сабылла илигинэ маннык тэрээһин ыытыллыбытыгар улахан махталларын биллэрдилэр.
Пуорум кэнниттэн тута чэпчэки атлетикаҕа норуоттар икки ардыларынааҕы кылаастаах успуорт маастара Сардаана Трофимова, нуучча дуобатыгар норуоттар икки ардыларынааҕы гроссмейстер Иван Токусаров, йогаҕа физическэй култуура уонна успуорт үтүөлээх үлэһитэ Дмитрий Горохов маастар-кылаастары ыыттылар.
Чөл олоҕу сырдатар, тарҕатар тэрээһиннэри, ол иһигэр өрөспүүбүлүкэтээҕи пуоруму СӨ Доруобуйа харыстабылын, Физическэй култуураҕа уонна успуорка министиэристибэлэрэ, Хаҥалас улууһун дьаһалтата, Уопсастыбаннай доруобуйа уонна мэдиссиинискэй профилактика өрөспүүбүлүкэтээҕи киинэ, физическэй култуура уонна маассабай успуорт управлениета, «Николаев-Киин»-М.Е.Николаев архыып-бибилэтиэкэтэ, Хаҥалас улууһун Оройуоннааҕы киин балыыһата, Өрөспүүбүлүкэтээҕи 3 №-дээх килиниичэскэй балыыһа тэрийдилэр.
Пуорумҥа барыта 1500-тэн тахса киһи кытынна.
Доруобуйа национальнай күнүгэр аналлаах дэкээдэ олунньу 24 күнүттэн кулун тутар 5 күнүгэр диэри ыытыллар.
Барыллаан дааннайынан, бэс ыйын 26 күнүгэр күнүс 13 чаас саҕана Сунтаар сэлиэнньэтигэр Октябрь 70 сыла…
Күөх сайын кэлэн турдаҕына, бултаан-балыктаан аһаабакка тыатааҕы оҕонньор нэһилиэнньэлээх пууннары буулуур идэлэннэ. Бөлүүн аны Айхал…
Дьокуускай куоракка бүгүн-сарсын тылы харыстыырга, сайыннарарга аналлаах Бүтүн Арассыыйатааҕы “Социокультурная среда как важнеший фактор сохранения…
Бу чааска Суорун Омоллоон аатынан Опера уонна балет тыйаатырыгар Саха сиригэр Казахстан киин куората Астана…
Бу күннэргэ Таатта улууһун Ытык Көлүгэр Манчаары оонньууларыгар бэлэмнэнэн, араас хайысхалаах үлэ көхтөөхтүк ыытылла турар.…
Чебоксарыга Арассыыйа күүстээх спортсменнара кыттыылаах Параатлетикаҕа чөмпүйүөннэр кубоктара түмүктэннэ. Күрэхтэһиигэ Саха сирин сүүмэрдэммит хамаандата туйгун…