Айаал Черноградскай хаартыската, СИА.
Ытык-мааны сахам дьоно! Биир дойдулаахтарым! Ис сүрэхпиттэн Арассыыйа күнүнэн эҕэрдэлиибин!
Бүгүҥҥү бырааһынньыктааҕы күҥҥэ биһиги хатыламмат култууралаах уонна үгэстэрдээх, баай устуоруйалаах, сомоҕолоһор күүстээх улахан уонна улуу дойдуга олоробут диэн киэн тутта этэбит.
Саха норуотун чулуу уола Алексей Кулаковскай саха норуота Арассыыйаны кытта ыкса ситимнээҕин дириҥник өйдүүрэ уонна сыаннаһын бэлиэтиирэ. Билиҥҥи глобализация үйэтигэр «Интеллигенцияҕа сурук» суолтатын көрөбүт. Аан дойдуга бүтэһик сылларга буолбут сабыытыйалар Алексей Кулаковскай өтө көрүүтэ туолбутун көрдөрөллөр. Арассыыйаны эрэ кытта дойдубут сайдар кэскилигэр тиийиэхпит.
1990-с сылларга сэбиэскэй дойду урусхалланыытыгар, ыарахан кэмнэр үүммүттэригэр, Саха сирэ эрэллээх тирэх буоларын бүтүн Арассыыйаҕа көдөрбүппүт. Сайдыы иһин эппиэтинэһи бэйэбитигэр ылыммыппыт, Саха Өрөспүүбүлүкэтин РФ солбуллубут чааһынан биллэрбиппит.
Бу сыллар тухары Саха сирэ дойдуну кытта туох баар хайысханан тэҥҥэ сайынна, өрөспүүбүлүкэ сайдыытын саҥа таһымыгар тирэх уурунна. Тугу ситиспиппит барыта элбэх норуот хас да көлүөнэтин сыралаах үлэтин түмүгүнэн буолан.
Биир дойдулаахтарбын бырааһынньыгынан, Арассыыйа күнүнэн эҕэрдэлиибин!
Михаил Николаев
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…