Михаил Николаев истипиэндьийэтигэр 70 сайаапка киирдэ

Бастакы бэрэсидьиэн Михаил Николаев «Знанием победишь» истипиэндьийэтигэр 70 киһи, ол иһигэр: 49 үөрэнээччи, 4 устудьуон уонна 17 педагог сайаапка биэрдэ. Бу туһунан СӨ Үүнэр көлүөнэлэр тус сыаллаах пуондаларын пресс-сулууспата иһитиннэрэр.

«Знанием победишь» истипиэндьийэ педагогическай маастарыстыбаны уонна саҥаны киллэриини, талааннаах оҕолору өйүүр сыаллаах. Истипиэндьийэ лауреаттарынан Бүтүн Арассыыйатааҕы олимпиадалар уонна научнай-практическай кэмпириэнсийэлэр кыайыылаахтара – үөрэнээччилэр уонна устудьуоннар, ону тэҥэ, учууталлар уонна култуура, наука, үөрэҕирии үлэһиттэрэ буолуохтарын сөп.

Киирбит сайаапкалары уопсастыбаннай хамыыһыйа көрөр, куоластааһын түмүгүнэн кыайыылааҕы талар.

Михаил Николаев 85 сааһыгар уонна Саха АССР 100 сылыгар анаммыт «Знанием победишь» истипиэндьийэни үөрүүлээх быһыыга-майгыга туттарыы сиэрэ-туома сэтинньи 13 күнүгэр буолуоҕа.