Хаартыска: sakha.gov.ru
Өрөспүүбүлүкэ Бастакы Бэрэсидьиэнэ Михаил Ефимович Николаев кэриэһигэр анаммыт «Кэскили түстүүр санаалар» диэн үһүс Николаевскай пуорум алтынньы 1-3 күннэригэр Хаҥалас улууһугар ыытыллыаҕа.
Тэрээһини Ил Түмэн иһинэн үлэлиир Ыччат парламена тэрийэр. Быйыл пуорум сүрүн тиэмэтэ – өрөспүүбүлүкэ муниципальнай тэриллиилэрин сайыннарыы. Сүрүн хайысхаларынан улуустарга инвестицияны тардыы, тыа хаһаайыстыбатын уонна олохтоох урбааны сайыннарыы, ыччаты патриотическай тыыҥҥа иитии, ыччат көҕүлээһиннэрин өйүүр былаһаакканы тэрийии буолаллар. Тэрийээччилэр этэллэринэн, эдэр лидердэр санаалара олохтоох экэнэиэмикэни уонна социальнай эйгэни бөҕөргөтөр дьиҥнээх бырайыактарга кубулуйалларыгар ураты болҕомто ууруллуоҕа. Бу туһунан sakha.gov.ru суруйар.
Кыттааччыларга бырайыактарын билиһиннэрэр, идэтийбит сүбэлэри-амалары ылар уонна өйөбүл мэхэньииһимнэрин туһанар кыах бэриллиэҕэ. Бырагыраама биир сүрүн чааһынан саҥа сибээс ситимнэрин уонна партнерствоны олохтуурга көмөлөһөр хамаанданан үлэ уонна уопут атастаһыыта буолар. Пуорумҥа кыттарга 18-тан 35-гэр диэри саастаах Арассыыйа олохтоохторо ыҥырыллаллар. Сайаапкалары тутуу балаҕан ыйын 15 күнүгэр диэри салҕаныаҕа.
Сиһилии информацияны Ыччат парламенын социальнай ситимнэриттэн булуохха сөп:
Николаевскай пуорум сүрүн сыала – ыччаты эрэгийиэн бүгүҥҥү кыһалҕаларын быһаарыыга кытыннарыы. Ааспыт сыллар түмүктэринэн, кыттааччылар этиилэрэ Саха сирин социальнай-экэнэмиичэскэй сайдыытын Стратегиятын саҥа эрэдээксийэтигэр көстүүлэрин булбуттара. Хас да бырайыак былаас уорганнарыттан өйөбүлү ылан, олоххо киллэриллэллэр. Ол курдук, үөрэх уонна култуура көҕүлээһиннэрэ, волонтерскай бырагыраамалар уонна стартаптар бааллар.
Дьокуускай куорат "Арчы" духуобунай киинин үлэһитэ, алгысчыт, ырыаһыт, мэлдьи дьоҥҥо-сэргэҕэ сырдыгынан сыдьаайа сылдьар Петр Кычкин,…
“Саха сирэ” хаһыат үүт соҕотуопкатын боппуруоһун болҕомто киинигэр өрүү тутар. Ааспыт нэдиэлэҕэ “Үүт харчыта төлөннөҕүнэ,…
Олунньу 13 күнүгэр Ил Түмэн уонна Луганскай Норуодунай Өрөспүүбүлүкэ Норуодунай Сүбэтэ парламеннар икки ардыларынааҕы сибээһи…
Ааспыт сылга уонна сыл саҕаланыыта хас да дьиэ кэргэн өлүүлээх чааһынай дьиэлэргэ тахсыбыт баһаардар өрөспүүбүлүкэни…
Бэҕэһээҥҥи долгутуулаах Таптал күнүн кэнниттэн, бүгүн уоскулаҥ уонна сынньалаҥ күнэ үүннэ. Ый Чубуку бэлиэтиттэн Күрүлгэн көһөр…
Синоптиктар билгэлииллэринэн, бүгүн, олунньу 15 күнүгэр, Саха сиригэр кыралаан хаар түһэрэ күүтүллэр, өрөспүүбүлүкэ арҕаа өттүгэр…