Хаартыска: www.sakha.gov.ru
Ил Дархан архитектураҕа уонна градостроительстваҕа управлениета өрөспүүбүлүкэ Бастакы Бэрэсидьиэнэ Михаил Ефимович Николаев кэриэһигэр архитектура-уус-уран киэҥ далааһыннаах күрэһи биллэрдэ.
“Саха сирэ устуоруйатынан уонна култуураҕа нэһилиэстибэтинэн киэн туттар. Саха сирин сайдыытын биир суолталаах түһүмэҕинэн Михаил Ефимович Николаев салайыытын саҕанааҕа кэм буолар. Уһулуччулаах судаарыстыбаннай диэйэтэл чиэһигэр, кини туһунан өйдөбүлү уонна өрөспүүбүлүкэ сайдыытыгар кылаатын үйэтитэр уопсастыбаннай эйгэ, пааматынньык архитектрунай кэнсиэпсийэтин оҥорууга аһаҕас архитектурнай-уус-уран күрэс биллэриллэр” – диэн архитектура управлениетыгар кэпсээтилэр.
Сайаапканы 2025 сыл от ыйын 11 күнүгэр диэри ылаллар. Үлэлэри кумааҕынан да, электрон даҕаны барыйаанынан биэриэххэ сөп. Манна монумент ускуустубатыгар уонна архитектураҕа үлэлиир идэлээх дьон бары кыттыахтарын сөп. Кыттааччылар Михаил Ефимовиһы личность быһыытынан уонна кини эрэгийиэн устуоруйатыгар оруолун көрдөрөр идиэйэлэрин билиһиннэрэллэрэ ирдэнэр.
“Бу миэстэ уһулуччулаах киһи туһунан өйдөбүлү хаалларарын таһынан, Саха сирин олохтоохторо, ыалдьыттара сөбүлээн мустар сирдэринэн буолуохтаах. Тустаах бырайыак – Михаил Николаевы кэриэстиирин сэргэ, үгүс сылларга дьон санаатын көтөҕөр, күүһүрдэр, сомоҕолуур саҥа бэлиэ миэстэнэн буолуоҕа” – диэн тэрийээччилэр бэлиэтииллэр.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…