sakha.gov.ru
Бүгүн, Саха сирин Бастакы Бэрэсидьиэнэ Михаил Николаев төрөөбүт күнүгэр, уопсастыбаннай сири тэрийиигэ архитектура күрэһин түмүгүн билиһиннэрдилэр.
Кыайыылааҕынан «Старт» бюро хамаандата таҕыста. Бу туһунан Ил Дархан архитектураҕа управлениета иһитиннэрэр.
Саҥа эбийиэк Дьокуускайга Михаил Николаев уулуссатын уонна Сэргэлээх шоссетын быһа охсуһууларыгар баар буолуо. Бу Саха сирин сайдыытыгар, норуотугар олоҕун анаабыт ытык киһибитигэр сүгүрүйүү, махтал бэлиэтинэн буолар.
«Старт» бюро хамаандата элбэх хайысхалаах комплекс кэнсиэпсийэтин туруорсубут. Манна пааматынньык, култуура тэрээһиннэрин ыытар сир, уо.д.а. киирэллэр. Композиция киинэ — 21 таас обелиск уонна Михаил Ефимович монумена.
Саха сирин архитектураҕа управлениета уонна сири-уоту сайыннарыыга компетенция киинэ тэрийбит күөн күрэстэригэр 14 кыттааччы күрэстэспит. Иккис миэстэни «Арка» бюро ылбыт, үһүс бочуоттаах миэстэҕэ архитектор Марина Рида тахсыбыт.
Маны сэргэ, Хаҥалас улууһугар Өктөмҥө, биир кэлим уопсастыбаннай сири тэрийии далааһыннаах бырайыага олоххо киирэр. Манна мемориал, наука дьоҕус академията, Николаев-киин, урукку оскуола дьиэтэ уонна Троицкай таҥара дьиэтэ киирэллэр. Бүтүн Арассыыйатааҕы куонкурус түмүгүнэн Иван Кычкин салайааччылаах «Градо» айар кэлэктиип кыайыылааҕынан буолбута.
Сиһилии: https://www.sakha.gov.ru/news/15361
СӨ Ил Дарханын уонна Бырабыыталыстыбатын пресс-сулууспата
Бүгүн физическэй култуура уонна успуорт миниистирэ Леонид Спиридонов “Тайм-Аут” тэлэбиисэринэн, араадьыйанан быһа эпииргэ сыллааҕы үлэ-хамнас,…
Саха ыалын сиэрэ-туома. Оҕолоноору сылдьар дьахтар тугу билиэхтээҕий, тутуһуохтааҕый? Бу туһунан истибиккит, билэҕит дуо? Төрүүр…
Саха сириттэн байыаннай дьайыы буола турар сиригэр "Great Wall Poer" массыына барда. Бу инники кирбиигэ…
ИДьМ Ньурба улуустааҕы отделын дьуһуурунай чааһыгар икки киһи суотабайдарын сүтэрбиттэрин уонна харчы уоруллубутун туһунан сайабылыанньа…
Дьокуускайга икки сыллааҕыта аҥардас макроэрэгийиэн хампаанньаларыттан 200-тэн тахса сэҥээриини ылбыт Уһук Илиҥҥэ сир баайын туһаныы…
Хас биирдии үүнээйи туспа ааттаах-суоллаах, суолталаах. Уопуттаах оҕуруотчуттар ханнык сибэккини дьиэҕэ олордору, ханныгы олордуллуо суохтааҕын…