Андрей Сорокин (СИА) хаартыската
Бүгүн Ил Дархан Айсен Николаев Хаҥалас улууһун Өктөм нэһилиэгэр өрөспүүбүлүкэ бастакы Бэрэсидьиэнэ Михаил Николаев уҥуоҕар сибэкки уурда. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
Ил Дархан Хаҥалас улууһугар оробуочай сырыытын кэмигэр мемориальнай комплекс тутуллар сиригэр сырытта. Кини эрдэ ыытыллыбыт архитектурнай-уус-уран куонкурус түмүгүнэн, бырайыак олоххо киириитин бэрэбиэркэлээтэ.
Куонкурус түмүгүнэн архитектор Иван Кычкин салайааччылаах «Градо» айар кэллэктиип кыайыылааҕынан биллэриллибитэ. Билиҥҥитэ комплекс бырайыактыыр-симиэтэлиир докумуоннара оҥоһуллубуттар, олор эрэгийиэннээҕи киинҥэ ыытыллыбыттар. Эспэртиисэ түмүгэ быйыл атырдьах ыйын 10 күнүгэр диэри оҥоһуллара былааннанар.
Айсен Николаев СӨ Ил Дарханын иһинэн Архитектура уонна куорат тутуутун управлениетын салайааччытыгар Любовь Папокка мемориальнай комплекс бүтүннүүтүн уонна томтоҕор ойууларын туһунан киэҥ ис хоһоонноох иһитиннэриини биэрэригэр сорудахтаата. Бырайыакка стела, амфитеатр, навигационнай элэмиэннэр, Михаил Николаев олоҕун уонна ситиһиилэрин туһунан кэпсиир историческай истиэндэ, ону таһынан, дьоҕус архитектурнай формалар оҥоһуулара киирэр. Сүрүн матырыйаалынан гранит таас туһаныллыаҕа.
Мемориальнай комплекс сүрүн архитектурнай элэмиэнинэн – 13 миэтэрэ үрдүктээх икки остуолба буолуо, кинилэр саха норуотугар бастакы Бэрэсидьиэн арыйбыт сырдык аартыгар киириини көрдөрөллөр.
Санатан суруйдахха, Ил Дархан Айсен Николаев 2023 сыллаахха «Саха Өрөспүүбүлүкэтин Бастакы Бэрэсидьиэнэ М.Е. Николаев аатын үйэтитии туһунан» ыйаахха илии баттаабыта. Докумуон биир бастакы пууннарынан Өктөм нэһилиэгэр Саха Өрөспүүбүлүкэтин Бастакы Бэрэсидьиэнэ М.Е. Николаев мемориальнай комплексын уонна Хаҥалас улууһугар инники күөҥҥэ сылдьар научнай чинчийиилэри, аныгы технологиялары оҥорорго уонна бэрэбиэркэлииргэ аналлаах технопааркалаах «Өлүөнэ кыраайа» научнай-техническэй кластеры тутуу буолар.
Бу кэмҥэ бааҥҥа уурунуу харчылар дойду олохтоохторугар барыыһа суох буолуохтара, онтон ипотека кирэдьииттэрэ чэпчиэхтэрэ. РФ…
Хайдах сытан утуйарыҥ доруобуйаҕар эмиэ улахан суолталаах. Учуонайдар хайалара ордук буортулааҕын быһаарбыттар, диэн суруйар…
«Объясняем.рф» саайт РФ Үөрэҕириитин министиэристибэтин «Оскуола иннинээҕи үөрэхтээһин федеральнай бырагырааматын бигэргэтии туһунан» 1028 №-дээх Ыйааҕар…
От ыйын 25 күнүттэн СӨ Тыатын хаһаайыстыбатын уонна ас-үөл бэлиитикэтин министиэристибэтин, СӨ «Агропромышленнай комплексы ресурсанан…
От ыйын 26 күнүттэн Суол быраабылаларын саҥа уларыйыылара күүстэригэр киирэллэр. Ол курдук, анал бэлиэлээх массыына…
Эдэрдэри үөрэн-көтөн эҕэрдэлиир массыыналар суоппардара суолга кутталлаах быһыыны-майгыны үөскэппиттэр, сорохторо төлөммөтөх ыстарааптаах буолан биэрбиттэр. Бэҕэһээ…