Михаил Николаевы төрөөбүт буоругар кистиэхтэрэ

Саха сирин бастакы бэрэсидьиэнэ Михаил Николаевы кытта бырастыылаһыы сиэрин-туомун бэрээдэгэ быһаарылынна. Бу туһунан СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр. 

Ол курдук, Саха Өрөспүүбүлүкэтин Ил Дархана Айсен Николаев салайааччылаах бырабыытылыстыбаннай хамыыһыйа уонна чугас дьонун быһаарыытынан Михаил Ефимовичы төрөөбүт дойдутугар, Хаҥалас улууһун Өктөм нэһилиэгэр, төрөөбүт сирин буоругар кистиэхтэрэ. 

Бастакы бырастыылаһыы Москваҕа, Мясницкай проезд 3 дьиэ 1 тутуутугар, Арассыыйа Бэрэсидьиэнин иһинэн үлэлиир СӨ Бастайааннай бэрэстэбиитэлистибэтигэр, 12 чаастан буолуоҕа.

Дьокуускайга уонна Өктөмҥө ыытыллар кутурҕаннаах тэрээһиннэр туһунан кэнники өссө биллэриллиэҕэ.

Эльдар Садовников