СӨ Үөрэҕин уонна билимин миниистирин бастакы солбуйааччы Михаил Присяжнай аҕалара, кэргэттэрэ анал эпэрээссийэҕэ кытта сылдьар үрдүк үөрэх устудьуоннарын, төрөппүттэрин кытта көрүстэ, ыйытыыларыгар хоруйдаата.
Көрсүһүүгэ Хотугулуу-Илиҥҥи федеральнай университет, Арктикатааҕы агротехнологическай университет, Арктикатааҕы култуура уонна искусство институтун, Дьокуускайдааҕы уу тырааныспарын институтун алта устудьуона кытыннылар.
“СӨ Үөрэҕин уонна билимин министиэристибэтин иитинэн устудьуоннарга сыһыаннаах икки өйөбүл миэрэ баар. Ил Дархан толкуйунан Арассыыйаҕа аан бастакынан киирбит, байыаннай эпэрээссийэ кыттыылаахтарын оҕолоругар көрүллэр 5607 солк. кээмэйдээх анал истипиэндьийэ уонна тус сыаллаах (целевой) үөрэххэ дуогабар. Маныаха устудьуоннар бүддьүөккэ да, төлөбүрдээххэ даҕаны үөрэнэр буолуохтарын сөп, хаарчах суох. Аккредитацияламмыт үөрэх бырагыраамата уонна күнүскү үөрэх буолара ирдэнэр”, — диэн Михаил Присяжнай эттэ. Өскөтүн, өөрспүүбүлүкэттэн көрүллэр анал истипиэндьийэни устудьуоннар аҕалара байыаннай эпэрээссийэҕэ кыттар кэмигэр ылар эбит буоллахтарына, тус сыаллаах үөрэх дуогабарынан үөрэхтэрэ бүтүөр диэри үөрэнэллэр. Ол эбэтэр төлөбүрдээх үөрэхтэн босхоҕо көһөллөр. Үөрэхтэрин бүтэрдэхтэринэ дуогабардаспыт тэрилтэлэригэр үс сыл үлэлииллэр. Кэтэхтэн үөрэнээччилэр тустаах өйөбүл миэрэҕэ хапсыбаттар.
Сорох бүтэһик сылларын үөрэнэр устудьуоннар төһө да төлөбүрдээххэ үөрэннэллэр, босхо миэстэҕэ көһөр кыах баар буоллар, тус сыаллаах үөрэх дуогабарын түһэрсибэттэр эбит.
Күн бүгүн тус сыаллаах үөрэххэ 17 дуогабар түһэрсиллибит. Сакаасчыттарынан СӨ Үлэ уонна социальнай сайдыы, тырааныспар уонна суол хаһаайыстыбатын, култуура уонна духуобунай сайдыы, доруобуйа харыстабылын, тыа хаһаайыстыбытын, урбаан, инновация, бырамыысыланнас уонна геология, ыччат, уо.д.а. министиэристибэлэр буолаллар. Күннэтэ анал истипиэндьийэни ылааччы ахсаана эбиллэ турар диэн көрсүһүү кэмигэр иһитиннэрдилэр.
ХИФУ бэрэстэбиитэлэ аҕалара анал эпэрээссийэҕэ барбыт дьон оҕолоругар туспа бөлөхтөөхпүт, сороҕор устудьуоннар биһиги быһаарар кыаҕа суох ыйытыыларбытыгар хоруйдары эрэйэллэр, министиэристибэ исписэлиистэрэ кыттыылаах иһитиннэрэр, быһаарар туспа бөлөх баара буоллар диэн санаатын эппитин, миниистири бастакы солбуйааччы өйөөтө.
Манна даҕатан эттэххэ, ааспыт нэдиэлэҕэ Михаил Присяжнай Дьокуускайдааҕы сервис технологическай тиэхиньикумун баазатыгар тустаах боппуруоһунан орто үөрэх устудьуоннарын кытта көрсүбүтэ. Бу үөрэх кыһатыгар анал байыаннай эпэрээссийэ кыттыылааҕын 10 оҕото үөрэнэр.
Намнар сыллата маннык үтүө тэрээһини тэрийэн ыыталлар. Бу туһунан улуус дьаһалтатын пресс-сулууспата суруйар. Саха Өрөспүүбүлүкэтин…
Горнай улууһун Солоҕон нэһилиэгэр ханна да буоларын курдук сааскы түбүктэрэ үгүс. Ол курдук, олохтоохтор ыабыт…
Бэҕэһээ Дьокуускайга Саха сирин Волейболга Федерациятын уочарата суох киэҥ ыҥырыылаах мунньаҕа буолла. Мунньахха Федерация бэрэссэдээтэлин…
Уһук хотугу эргимтэҕэ сытар Өлөөн оройуонугар "Кэнчээри" оҕо сайдар киинин иһинэн өрөспүүбүлүкэтээҕи "Эркээйи эргиирэ" пилотнай…
Лиирик-бэйиэт Гавриил Григорьевич Вешников-Баал Хабырыыс хоһооннорунан ырыанньык бэчээттэнэн таҕыста. Саҥа кинигэни бэйиэт төрөөбүт-үөскээбит Курбуһаҕын бибилэтиэкэтэ…
Үс оскуоланы тутуохтара. Бу үөрүүлээх түгэни Өрөспүүбүлүкэ күнүгэр сөп түбэһиннэрэн ыыттылар. Муусука үрдүкү оскуолатын кампуһун…