Хаартыска: minobrnauki.sakha.gov.ru
Хотугулуу-Илиҥҥи федеральнай университет тиэхиньиичэскэй бакылтыатыгар устудьуоннар СӨ Үөрэҕин уонна билимин министиэристибэтин итиэннэ СӨ Тутууга министиэристибэтин бэрэстэбиитэллэрин кытта көрүстүлэр.
СӨ Үөрэҕин уонна билимин миниистирин бастакы солбуйааччы Михаил Присяжнай Саха Өрөспүүбүлүкэтин судаарыстыбаннай бүддьүөтүттэн өйөбүл миэрэлээх тус сыаллаах исписэлиистэри бэлэмнээһин сүрүн балаһыанньатын туһунан кэпсээтэ.
“Биһиги тус сыаллаах бэлэмнээһини олоххо киллэрэбит, күн бүгүн хас даҕаны салаанан бырайыак үлэлиир. Билигин 35 бырайыак үлэлии турар, быһа холуйан 15 бырайыак оҥоһулла сылдьар. Холобур, “Ыччат авиацияҕа” (“Молодежь в авиации”) бырайыагынан Омскайдааҕы летнай-тиэхэньиичэскэй кэллиэскэ бэлэмнииллэр. Соторутааҕыта Уу тырааныспарын институтун баазатыгар тырааныспар уонна энергиэтикэ салаатыгар – “Речники” уонна “Энергия занятых” бырайыактары үлэлэттибит”, — диэн этэр Михаил Юрьевич.
Ону тэҥэ, СӨ Тутууга миниистирин солбуйааччы Виталий Акопов уонна М.К. Аммосов аатынан Хотугулуу-Илиҥҥи федеральнай университет үөрэх хаачыстыбатын хааччыйар департаменын салайааччыта Инна Богушевич тыл эттилэр. Түмүккэ устудьуоннар сэҥээрэр ыйытыыларыгар хоруйдары ыллылар.
СӨ Үөрэҕин уонна билимин министиэристибэтин пресс-сулууспата.
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…